ملی مصالحه کینگشی اعضالری نینگ فهرستی جمهورلیک ریاستی تامانیدن نشر قیلینگنیدن سونگ، ملی مصالحه کینگشی باشلیغی عبدالله عبدالله ایکی کون جیم توریشی بیلن، جمهور رئیس محمداشرف غنی نینگ بوتوغریده بولگن فرمانی‌نی رد قیلگن.
بوگون "دوشنبه" سپیدار آدرسیدن نشر قیلینگن اعلامیه‌ده ایتیلیشیچه، جاری ییل 28 ثور ده امضا ایتیلگن سیاسی شرطنامه‌گه کوره، عالی مصالحه کینگشی نینگ تشکیل تاپیشی جناب عبدالله نینگ صلاحیت‌لریدن دیر.
سپیدار اعلامیه‌سیدن نیچه دقیقه آلدین جمهورلیک ریاستی سوزلاوچیسی صدیق صدیقی کابلده خبر بیر ییغین اوتکزیب، مصالحه کینگشی اعضالری نینگ خصوصیده بولگن فرمان سیاسی طرف‌لر اینقسه جناب عبدالله بیلن مصلحت قیلینگنیدن سونگ، صادر قیلینگن. جناب صدیقی، مذکور فهرست اوزگرمه‌یشی اوستیگه تاکید قیلگن.
مملکت جمهور رئیسی محمداشرف غنی جاری هفته "شنبه" کونی بیر فرمان آرقه‌لی، ملی مصالحه کینگشی اعضالری نینگ رویخطی‌نی نشر قیلدی.
مذکور فهرست نشر قیلینگنیدن سونگ، مملکت سابق جمهور ریسی حامد کرزی اوشبو کینگش ده اعضا بولیش‌نی رد قیلدی و اوندن سونگ، اسلامی حزب رهبری گلبدین حکمتیار و اسلامی جمعیت حزبی سرپرستی صلاح‌الدین ربانی مذکور کینگش‌ده اعضا بولیش‌نی رد قیلگن.
