مملکت جمهوررئیسی محمداشرف غنی نینگ ایتیشیچه، مملکت سیل‌برلریدن ۸۰ فایزی غصب و یشش ییرلرده اوزگرگن. جناب غنی بو ایش نی قابل قبول ایمس دیب و پروان محلی مسئوللریگه سیل‌برلرنینگ بیللی و آچیلیشی توغریسیده بویروغ بیرگن.
جمهوررئیس غنی بوگون (پنج‌شنبه ۱۳- سنبله) پروان ولایتیده یوزبیرگن سونگی سووتاشقین‌لریگه قربان بولگنلرنینگ عایله‌لری بیلن همدردلیک قیلیش اوچون پروان بارگن. جناب غنی چاریکار شهری نینگ تفصیلی ریجه‌سینی عملی ایتیلمه‌یدیگن دیب و ییرلر و شهر قوریش وزیرلیگی گه ینگی ریجه قوریش اوچون بو شهرگه تیکشیروو باشله‌شلری نی سوره‌گن.
جناب غنی نینگ کوپه‌یتیریشیچه، کیله‌جک هفته حکومت سووتاشقین‌لری باعث ییتیشگن ضررلرنینگ تیکشیره‌دی و قشلاق‌لرنی رواجله‌نتیریش و ایکینچیلیک وزیرلیک‌لریگه دهقان‌لرگه ییتیشگن ضررلرنی تیکشیریش‌لری توغریسیده بویروغ بیرگن.
شونینگدیک جمهوررئیس غنی طبیعی حادثه‌لرگه قرشی کوره‌ش دولت وزیرلیگی و جمهورلیک ریاستی نینگ رواجلنتیریش واحد عملیاتی گه ضرر کورگن‌لرگه ینگی یشش ییر قوریش خصوصیده بیللی بیر ریجه تیارلب و جمهورلیک ریاستی گه یوباریش‌لری خصوصیده بویروغ بیرگن.
عین حالده، پروان حاکمی فضل‌الدین عیار نینگ ایتیشیچه، بو ولایتده یوزبیرگن سووتاشقین‌لریده ۱۵۷ کیشی هلاک و ۱۲۸ کیشی یره‌لنگن و شونینگدیک ۵ کیشی درک‌سیز یوقالگن.
مذکور سووتاشقین‌لریده ۴۰۶ یشش اوی بوتونلی و ۵۶۶ اوی قسمن تخریب بولگن و ولایت مرکزی و تومن‌لریده بوزیلگن اوی‌لرنینگ تیکشیریش پروسه‌سی نینگ دوامی بار.
