مملکت جمهوررئیسی محمداشرف غنی طالبان گه خطاب ایتیشیچه، تینچلیک سوزلشوولری تیزلیککه باشله‌نیشی اوچون آتیش کیسین نی دوام بیرینگ. او شونینگدیک مذکور گروه‌دن افراطی جریان‌لردن اوزاق بولیش‌لرینی سوره‌گن.
جناب غنی اوشبو بیانات‌لرنی بوگون (چهارشنبه 14- جوزا) وزیر محمداکبرخان مسجد امامی محمدایاز نیازی نینگ توپراققه قوییش مراسمی گه ارایه قیلگن.
جناب غنی دین عالم‌لریدن مملکتده تینچلیک و برقرارلیک تأمین ایتیلیشی اوچون یالغیز بیر صفده ایش قیلیش‌لرینی سوره‌گن. اونینگ کوپه‌یتیریشیچه، حاضر حکومت اساسی شکلده تینچلیک تأمین ایتیلیشی و زوروانلیک اوزاق‌لشتیریلیشی اوستیگه اوروغوله‌یدی.
دکتر ایاز نیازی (سه‌شنبه کونی 13- جوزا) کیچ قورون وزیرمحمداکبرخان مسجد اطرافیده ییرلشتیریلگن ماین پارتلشی باعث تن جراحتی کوتاریب و کسلخانه‌ده جان بیردی. ایچکی ایشلر وزیرلیگی نینگ ایتیشیچه، مذکور حادثه‌ده 2 کیشی هلاک و باشقه 2 کیشی یره‌لنگن.
حادثه مسئولینی نی بیرار گروه یا-ده شخص بوینیگه آلمه‌گن.
