افغانستان جمهور رئیسی محمداشرف غنی، بوگون جمهورلیک ریاستی سرایی‌ده دوحه تینچلیک ییغینیده طالبان گروهی بیلن مذاکره قیلیش اوچون حکومت تامانیدن تعیین ایتیلگن 250 کیشی‌لیک هیأت بیلن اوچره‌شدی.
جناب غنی، اوشبو هیأت دن طالبان گروهی نی افغانستان دولتی بیلن مذاکره قیلیش گه قانیقتیریشی نی طلب قیلگن و اولرگه دولت بیلن مذاکره قیلیش دن باشقه یوللری بولمه‌گنینی بیلدیریش کیره‌ک دیگن.
جمهور رئیس نینگ اورغولشیچه، بونده‌ی فرصت‌لرده توزوم دوامی و حاضرگی سیاسی تشکیلات کوچلنیشی دن جسارت بیلن مدافعه قیلیش کیره‌ک.
جمهور رئیس غنی، تینچلیک سوزلشوو هیأتی اعضالریدن افغانستان دولتی و یشاوچیلریدن نماینده‌لیک قیلیشلرینی سوره‌گن.
جناب غنی نینگ ایتیشیچه، سوزلشووچیلرنی راهنماسی مملکت اساسی قانونی دیر.
عین حالده، طالبان گروهی قطر تینچلیک ییغینیده اشتراک قیلیش اوچون حکومت تامانیدن تعیین ایتیلگن 250 کیشی‌لیک هیأت رویخطی گه عکس‌العمل بیر اعلامیه نشر قیلیب ایتیشیچه، دوحه ییغینی کابل دن باره‌دیگن بونچه آدم نی قبول قیلمه‌یدی.
طالبان گروهی نینگ اعلامیه‌سیده کیلیشیچه، بونده‌ی ییغین‌لرده 250 کیشی اشتراک قیلیشی «رواج» ایمس دیر و بو رویخط آره‌سیدن یالغیز بیرقطار سیاسی سیمالر و قوم بویوک‌لری دوحه ییغینیده اشتراک قیله آله‌دی.
عین حالده، سیاستچی‌لر و مدنی فعاللردن بیرقطاری، طالبان گروهی بیلن مذاکره قیلیش اوچون دولت تامانیدن تعیین ایتیلگن هیأت نی حکومتی دیگن‌لر.
شونینگدیک، جمهور رئیس غنی نینگ سیلاو تیرمه جماعه‌سینی بیرینچی اورین باسری امرالله صالح، قطر ییغینیده اشتراک قیلیش‌دن وازکیچیب و فیسبوک صحیفه‌سیده یازیشیچه، تخنیکی و شخصی دلیل‌لر باعث، بو ییغینده اشتراک قیلمه‌یدی.
شو توغریده…
طالبان گروهی: قطر ییغینی توی «مراسمی» ایمس
