بوگون «شنبه» کابل‌ده صناعت هفته‌سیدن نشانلش مراسم‌ده جمهور رئیس غنی نینگ ایتیشیچه، حکومت تشکیلاتیدن کوپینچه بولیم‌لری خصوصی بولیم گه سوتلی اینک صفتیده کوز تیککن، بیراق اولرنینگ بیلیش‌لری کیره‌ک کیم، خصوصی بولیم کیم‌سه نینگ سوتلی اینه‌گی ایمس دیر و کیم‌سه نینگ اونگه دخالت اوچون حقی یوق دیر.
جمهور رئیس گه کوره، مملکت یشاوچیلری ایچکی صناعت و توارلرنی مدیریت قیله‌دی و بو موضوع تحصیل کورگن‌لر ایش بیلن تأمین‌لنیشی نی کورسته‌دی.
اوشبو مراسم‌ده صناعت و سوداگرلیک وزیرلیگی مسؤوللری نینگ ایتیشیچه، سوداگرلیک یخشی‌لنیشی اوچون جواز بهاسی 30 مینگ افغانی دن 100 افغانی گه کمه‌یگن.
صناعت و سوداگرلیک وزیرلیگی تامانیدن بیریلگن رقم اساسیده، حاضر افغانستان نینگ ییل‌لیک وارداتی نی ارزشی 7 میلیارد دالردن کوپراق و صادراتی نی ارزشی 1 میلیارد دالردن کمراققه ییتیشگن.
