افغانستان اهالیسی جهادی نینگ 27- ییل‌لیگیدن اجراییه باشلیغی عبدالله عبدالله، ملی کینگش و کابینه اعضالری و قطار حکومت رسمی‌لری نینگ حضوری بیلن جمهوررئیس‌لیک سرایی‌ده نشانلندی.
اوشبو ییغینده مملکت جمهور رئیسی محمداشرف غنی نینگ ایتیشیچه، تینچلیک بیر کونده قولگه کیلمه‌یدی، بیراق ملی بیرلیک حکومتی تینچلیک زمینه‌سینی یره‌تگن و برچه افغانلردن اوروش بهاسی نیمه‌لیگی‌نی ایشیتیش کیره‌ک.
جناب غنی کیله‌جکده بیر فکر اورته گه کیلیشی اوستیگه اورغولب ایتیشیچه، بیر یول حریطه‌سی، سیلاو، اهالی اراده‌سی و بیر کوچلی دولت توغریسیده کیلیشوو بولمه‌گن صورتده، هر مرته قیینچلیک که روپه‌رو بولیش ممکن.
جمهور رئیس نینگ کوپه‌یتیریشیچه، افغانستان یشاوچیلری سابق‌ده قیلگن هر قندی اوروش‌لرینی بویینلریگه آلگن و بو اشتباه‌لرنی اونوتیشلری کیره‌ک.
مملکت اجراییه باشلیغی عبدالله عبدالله نینگ ایتیشیچه، افغانلر عزتلی و مملکت یشاوچیلری نینگ حقلری تامین ایتیله‌دیگن تینچلیکدن حمایته قیله‌دیلر و افغانستان یشاوچیلری آرتده کیتیش نی ایستمه‌یدیلر.
مذکور ییغینده نطق سوزله‌گنلردن بیریسی عبدالرب رسول سیاف افغانستانده تینچلیک کیلیشی اوستیگه اورغوله‌یدی و اهالیدن تینچلیک تامین ایتیلیشی اوچون بیرگه بولیب و بیرگه‌لیکده تعقیب قیلیش‌لرینی سوره‌گن.
جمهور رئیس نینگ ایکینچی اورین باسری محمدسرور دانش نینگ ایتیشیچه، تینچلیک مصلحتی قورولتایی یولگه قوییلیشی توغریسیده شک قیلمه‌یش کیره‌ک.
جناب دانش نینگ ایتیشیچه، اوشبو قورولتای اعضالری ایرکین‌لیک بیلن تینچلیک که تیگیشلی موضوعلر خصوصیده فکر بیلدیره‌دیلر و حکومت نینگ تینچلیک پروسه‌سی نینگ باشقه آدیم‌لریگه رهنمالیک قیله‌دیلر.
تینچلیک مصلحتی قورولتایی ایرته «دوشنبه» افغانستان بویلب 2500 کیشی نینگ حضوری بیلن کابل ده یولگه قوییلیشی گه قرار قیلینگن. اوشبو قورولتای طالبلر بیلن بوله‌دیگن سوزلشوولرنینگ چارچوبه‌سینی بیللی قیله‌دی.
