مملکت جمهور رییسی ایندی هیچ بیر گروه اولدیریش و قان توکیش بیلن حکومت‌گه ایریشه آلمه‌یدی دیگن.
ملی بیرلیک حکومتی بوگون8- ثور مجاهدلر پیروزلیگی 25 ییللیگی نی نشانله‌دی. انه شومناسبت بیلن اوتکزیلگن ییغین حکومت رهبرلری، جهادیلر، سیاستچیلر و حکومت بلند مرتبه‌لی اعضاللری اشترا قیلگن ایدی.
فغانستان جمهور رییسی محمداشرف غنی حاضرگی دموکراتیک تیزیم اساسی قانون و افغانستان خلقی جهادی‌نینگ کوره‌ش نتیجه‌سیده وجودگه کیلگن دیگن.
او، هنوز گه اولدیریش و قان توتکیش بیلن قدرت گه ایریشش نی مقصد قیلگن کیشیلر اسلامنی تانیمگنلر هلی دیگن.
جمهور رییس غنی، افغانستان هیچ بیر دولت نینگ تباهلیگی و ویران بولیشی آرتیدن ایمس؛ و هیچ بیر گروه بیلن بو توغریده پیمان باغلمه‌گن دیگن.
افغانستان رهبری، مملکت تیزیمی اوز ایچیدن قیین چیلیک توغدیرمه‌گن حالده، باشقه بیر هیچ حرکت یا گروه افغانستان حکومتی اوستیدن غالب چیقمه‌یدی دیگن.
او، احساسات همده نا توغری هر قنده‌ی سوز دولت مخالفلری‌نینگ تیگیرمانیگه سوو قوییش معنیسی‌د‌ه دیگن.
ییغین‌ده سوزله‌گن حکومت نینگ اجراییه ریاستی باشلیغی عبدالله‌عبدالله مجاهدلرنینگ قابلیتی‌دن اساسی صورتده فایده‌لهن‌یش لازم دیگن.
اونینگ ایتیشیچه، بوگون هم هر بیر قیشلاق ده هجوم آستیگه آلینه دیگن خلق نینگ یگانه مدافعه‌سی مجاهدلر دیر. عبدالله عبدالله مجاهدلرنینگ پیروزلیگی افغانستان اسلامی حزبی نینگ رهبری گلبدین حکمتیار بوگون مملکت توپراغیده خلقی نینگ یانیگه کیلگن بیر پیت‌ده نشانلنماقده دیدی.
جناب عبدالله‌عبدالله سوزلری آخریده سیاسی شخصیتلردن فعالیتلرینی منتظم بیر برنامه اساسیده آلغه آلیب باریب، مملکت نینگ ملی منفعتی‌گه ضد سعی وحرکت قیلمسلیکلرینی خصوصیده تاکید قیلگن.
