جمهور رئیس غنی تینچلیک خصوصیده ملی اجماع ایجاد قیلیش مقصد ده لویه جرگه یولگه قوییلیشیگه قرار قیلگنیدن سونگ، طالبان گروهینینگ سابق اعضالریدن بیرقطاری مذکور لویه جرگه یولگه قوییلیشیدن تنقید قیلگنلر.
افغانستان اسلامی انقلاب حرکت حزبینینگ باشلیغی و طالبان گروهینینگ سابق اعضاسی مولوی قلمالدین نینگ ایتیشیچه، جمهور رئیس غنی مذکور جرگه آرقهلی جمهور رئیسلیک دوریگه مشروعیت بیریش اوچون سعی و حرکت قیلهدی.
اسلامی انقلاب حرکت حزبی و افغانستانی قوتقریش یولی کینگشی مسووللری کیچه تاماندن یولگه قوییلهدیگن عملیات و هوایی هجوملردن خواطر بیلدیریب ایتیشیچه، تینچلیک لایحهسینینگ زیان کورمهیشی اوچون اوروش تامانلرینی دقت قیلیشی کیرهک.
شو توغریده:
تینچلیک عالی کینگشینینگ دبیرخانه باشلیغی عمر داوودزی اوتگن کونی مصلحتی لویه جرگهنی حوت 26 سیده یولگه قوییلیشیدن خبر بیرگن بیرحالده، طالبان گروهینینگ سابق اعضالری اوشبو صحبتلرنی مطرح قیلگنلر.
