افغان ولسمشر محمد اشرف غني وايي، چې د سیمې سوداګریز تعاملات د افغانستان ثبات په ټيڼګښت کې خورا مهم دي.
هغه وايي، په سيمه ې د چين او هندوستان هېوادونو پانګونه اړينه ده.
افغان ولسمشر محمد اشرف غني دا څرګندونې نن پنجشنبه ( مې ۲۱مه) کابل کې له افغانستان سره د تماس نړېوالې ډلې غونډې ګډونوالو ته وکړې او دا د تماس د نړیوالې ډلې ۱۶ مه ناسته ده، چې موخه یې د افغانستان پرامنیت او اقتصادي بحثونو راڅرخيږي.
غني وویل، چې د افغانستان وګړي بې وزله دي، خو د سروې له مخې هېواد یې د ۳ تریلیونو ډالرو په اندازه کاني زېرمې لري.
هغه وايي، هر ګاونډی کولای شي د افغانستان د سولې او ثبات په برخه کې کار وکړي او هم په دغه هېواد کې د سوداګرۍ او پانګونې له لارې ځان تقويه کړي.
ولسمشر اشرف غني زیاته کړه، چې له افغانستان څخه د لاجوردو لارې تیردو ظرفیت لري او دغه پروژه باید عملي شي، ځکه په وینا یې دې سره به افغانستان د سیمې ترانزیټي پول وګرځي.
بل خوا اقتصادي کارپوهان وایې، چې د افغانستان اوسني وضعې له وتو څخه وروسته که ولسمشر اشرف غني خپل اقتصادي لومړنیتوبونو ته د عمل جامه ور واغوندي له شک پرته افغانستان کې به ثبات رامنځته شي.
اقتصادي کارپوه محیب شریف وویل، چې اوسني حکومت ونه شو کړی، چې ولس د ستونزو او کړاونو راوباسي.
هغه وايي: " که چېرې د اشرف غني او عبدالله ترمنځ همغږي موجوده وي او د سیمې هېوادونو د اقتصاد په برخه کې لازمې مرسته وکړي، نو موږ به ښې لاسته راوړنې ولرو."
ولسمشر غني په خپلو تېرو ويناوو کې ويلي و، چې خپل د ۵۰ سلنو زیات وخت په هېواد کې د سولې راوستو په موخه مصرفوي.
داسې ليدل کيږي، چې اوسمهال افغان حکومت ډېره توجه د هېواد امنيتي برخې ته ده او د حکومت له وروستيو کړنو معلوميږي، چې په افغانستان کې د اقتصاد پرمختګ د دوی د کارونو د اړينو لومړیتوبونو څخه غورځېدلی دی
