ولسمشر غني تېر ماښام د ځانګړیو ځواکونو له مسوولانو سره چې څه موده مخکې یې په غزني کې ۳۰ کسان د طالبانو له بنده راخوشې کړل، ولیدل او وستایل.
نوموړي نظامي مسوولانو ته په خطاب کې وویل، تر هغې چې سوله راځي، تاسې د جګړې مسوولیت لرئ او پهدې برخه کې به هېڅ ځنډ نه وي.
ولسمشر وویل چې زه شاه شجاع او یعقوبخان نه یم چې د هر تړون په پای کې لاسلیک وکړم او سوله هغه مهال د منلو ده چې د امنیتي ځواکونو رول پهکې روښانه وي.
غني زیاتوي، هغه کسان چې نور یې په زوره د سولې مېز ته کېنوي، باید د امنیتي ځواکونو د پاشل کېدو په اړه خبرې و نهکړي او که شهامت لري خپل زور دې د مبارزې په میدان کې وښيي.
د ولسمشر په وینا، امنیتي ځواکونه د پر ځان بسیا کېدو په حال کې دي او هغه سوله چې د دغو ځواکونو رول پهکې تضمین شوی نه وي، د منلو نه ده.
ولسمشر اشرف غني پهدې غونډه کې وویل، امنیتي ځواکونه، په ځانګړې توګه کومانډویان د هېواد رښتیني بچیان دي د امنتیاز او حقونو لپاره نه، بلکې د هېواد، نظام او ملي ګټو لپاره مبارزه کوي.
