غزنی یشاوچی‎لریدن یوزلرچه‎سی بامیان‎گه بدرغه بولگن

بامیان محلی مسوول‎لری‏نینگ ایتیشیچه، ایکی کوندن بویان کمیده 400 عایله (3000 کیشی) غزنی ولایتی‎نینگ جاغوری و مالستان تومنی‎دن بامیان‎گه کیلگن‎لر.

بوگون "سه‎شنبه" بامیان محلی مسوول‎لری‎نینگ بیر خبری ییغین آرقه‎لی ایتیشیچه، بامیان‎نینگ هواسی ساووق دیر و بدرغه بولگن‎لرنینگ جدی یاردم‎گه نیازی بار.

بامیان حاکمی محمدطاهر زهیرنینگ ایتیشیچه، محلی اداره اختیاری‎گه بولگن امکانیت‎لر بدرغه بولگن‏لرنینگ قیین‎چیلیگی‏گه ایترلی ایمس.

بامیان ولایتی کسلخانه‏سی‎نینگ باشلیغی سلیم نیکپی‎نینگ ایتیشیچه، بامیان ولایتیدن بدرغه بولگن عایله‎لر، بامیان ولایتی‎نینگ محلی مسووللری و یشاوچی‎لری تامانیدن اوی‌لر، هوتل‎لر و مسجدلرگه جای لشتیریلگن؛ بیراق هوا ساووق‎لیگی سبب اولردن بیرقطاری کسل بولگن.

غزنی ولایتی‎دن بامیان‎گه بدرغه بولگن‎لرنینگ حکومت دقت سیزلیگی‎دن تنقید قیلیب ایتیشیچه، جاغوری و مالستان‎گه «نسل‎ نابود» قیلیش‎نی دوامی بار، بیراق حکومت هیچ‎قندی دقت قیلمه‎یدی.

قورالی طالب‎لر ایکی هفته آلدین غزنی ولایتی‎نینگ مالستان و جاغوری تومنی‎ده هجوم قیلیب نتیجه‎ده اوشبو تومن‎لر یشاوچی‎لریدن اونلرچه‎سی هلاک ایتیلیب و یره‎لنگن‎لر و شونینگ‎دیک باشقه یوزلرچه عایله کابل و بامیان ولایتی‎ده بدرغه بولگن‎لر.