غزنی ولایتی‌نینگ یشاوچیلری و ولایتی کینگش اعضالریدن بیرقطاری، مذکور ولایت دولتی کسلخانه‌سیده ساغلیق خذمت‌لری یخشی بیر شکلده ارایه ایتیلمه‌گنیدن شکایت قیلگن‌لر. دارو کَم‌لیگی و کسل‌لرگه داکترلرنینگ دقت سیزلیگی باعث، غزنی یشاوچیلری ناراضیلیک بیلدیرگن‌لر.
غزنی ولایت کینگشی اعضاسی غلام حسین عمارنینگ ایتیشیچه، دارو کَم‌لیگی و داکتر قیین‌چیلیگی‌نی نیچه مرته مرکزی حکومت بیلن شریک قیلگن‌لر؛ بیراق حاضرگه‌قدر بو موضوع گه دقت قیلینمه‌گن.
غزنی دولتی کسلخانه‌سی باشلیغی بازمحمد همت‌نینگ ایتیشیچه، ساغلیق‌نی سقلش وزیرلیگی بو کسلخانه گه بیر ولایتی کسلخانه حدیگه‌قدر امکانیت بیره‌دی؛ لیکن بو کسلخانه غزنی قوشیمچه باشقه 7 قوشنی ولایت‌نینگ کسل‌لرینی داروله‌یدی.
همت گه کوره، میلادی 2017- ییل غزنی دولتی کسلخانه‌سیده چمه‌سی 200 مینگ کیشی دارولنگن و بو کسلخانه‌نینگ امکانیتی گه قره‌گنده بو رقم جوده هم یوقاری دیر.
ایتیلیشیچه غزنی ولایتیده یالغیز بیر دولتی کسلخانه فعالیت قیله‌دی و بو کسلخانه تینچ اهالی و حربی‌لرنی داروله‌یدی.
بوندن آلدین، ساغلیق قیین‌چیلیک‌لریگه دولت‌نینگ دقت سیزلیگی باعث، غزنی تومنلریدن بیرقطاری و مالستان تومنی‌نینگ یشاوچیلری شخصی پوللری بیلن 40 بسترلیک جهازلنگن بیر کسلخانه قوریش گه اقدام قیلگن ایدی.
