غزنی ولایتی‌نینگ والیسی محمد امان حمیم، ولایت آقسقال‌لری بیلن اوتکزگن ییغین‌ده شهر و قیشلاق‌لر مسجدلریده طالب‌لر قاضی‌لری بارلیگی توغریسی‌ده خواطر بیلدیریب و بو حقیده آقسقال‌لردن همکارلیک سوره‌گن.
جناب حمیم‌نینگ سوزلریگه کوره، ولایت یشاووچی‌لری قیته قوریش و باشقه ساحه‌لرده دولت‌دن اوز ایستک‌لری یانده منطقه‌لریده امنیت تامین ایتلیشی اوچون همکارلیک قیلیش‌لری هم کیره‌ک.
غزنی ولایت کینگشی‌نینگ اعضاسی حمیدالله سروری‌نینگ والی جوابی بارهسیده ایتیشیچه، اداری فساد، عدلی اداره‌لرده دوسیه‌لرگه ییتیشیشمس‌لیک سبب اهالی طالب‌لر عالی محکمهسیگه یوز کیلتیریشی‌گه باعث بوله‌دی. او، والی‌دن اداری فساد همده عدلی و قضایی اداره‌لرده دوسیه‌لر تیکشیریلمس‌لیگی آلدینی آلمه‌گن حالده، بو جریان دوام ایته‌دی دیگن.
جناب سروری‌نینگ سوزلریگه کوره، غزنی ولایتی‌نینگ قاضی‌لری ییر حجتی بیریلیشی اوچون آدم‌لرنی اوچ آی سرگردان قیله‌دی. او، عدلی و قضایی اداره‌لرده فساد موجودلیگی حقیده حجتی بارلیگی‌نی بیلدیرگن.
غزنی دولت باشقره‌لاوچیلیگی‌نینگ باشلیغی عبدالرشیدنینگ بیلدیریشیچه، عدلی و قضایی اداره‌لرده فساد موجودلیگی نینگ بیرینچی عاملی ایریم شخص‌لر تامانیدن بو اداره ایشی‌گه اره‌له‌شیش‌دن کیلیب چیقه‌دی.
غزنی قوم یاش اولوغلریدن بیری زین‌الدین، ولایت‌نینگ عدلی وقضایی اداره‌لری کیچیک بیر ایش اوچون هم اهالینی پاره تولش‌گه مجبو ایته‌دیلر. اما، طالب قیسقه مدت ایچی‌ده اهالی‌نینگ معماسینی حل قیله‌دی.
باشقه تاماندن غزی باشقره‌لاوچی‌لیک اداره‌سی رییسی، عدلی و قضایی اداره‌لرده‌گی موجود فساد اوچون ولایت‌نینگ قوم یاش اولوغلری اره‌لشگن لیک‌لرینی رد ایتمیدی.
عدلی و قضایی اداره‌لرده فساد موجودلیگی‌نی رد قیلگن جناب عابدی‌نینگ سوزلریگه کوره، ایریم معین تیوره‌ک‌لر ولایت اداره‌لرینی بدنام قیلیش اوچون بونده‌ی مساله‌لر آرتیدن توشه‌دیلر.
غزنی عالی محکمه‌سی‌نینگ ینگی رییسی سکندر حیدری، اهالی‌نینگ بو بولیم‌ده بولگن قیین چیلیک‌لری بر طرف ایتیلیشی اوچون جدی مبارزه قیلیش‌دن سوز بیرگن.
غزنی عالی محکمه‌سی باشلیغی سکندر حیدریگه کوره، یقین‌ده مذکور لوازمگه تعین ایتیلگن. شونینگ‌دیک او، اهالی معماسی حل ایتیلیشی بارهسیده تاکیدله‌گن.
