سلام‌وطندارگه صحبت بیرگن غزنی ولایت کینگشی اعضاسی فاطمه رحیمی‌نینگ ایتیشیچه، قوراللی طالب‌لر مذکور ایکی عیال پولیس‌نی غزنی‌نینگ مرکزی بولیم‌لریدن اوغیرلب و اولرنی غزنی شهری‌نینگ یقینیده‌گی قره‌باغ و اسفنده قیشلاقلریگه آلیب کیتگن. بو قیشلاقلر قوراللی طالب‌لرنینگ نظارتی‌ده دیر.
رحیمی، مذکور عیال پولیس‌لر قوییب یوباریلیشی توغریسیده دولت نینگ برنامه‌سیزلیگی‌دن تنقید قیلیب ایتیشیچه، اولر حاضرگچه تیریک دیر و جدی شکلده سعی و حرکت قیلینگن صورتده، اولر قوییب یوباریلیشی ممکن.
بیراق، غزنی ولایت مقامی‌نینگ مطبوعات دفتری و امنیتی اداره‌لرنینگ مسؤوللری، عیال پولیس‌لر اوغیرلنگنیدن خبرسیزلیک بیلدیره‌دیلر.
