افغانستان مدنی جمغرمه‌سی‌نینگ ملازملری بوگون کابلده بیر خبری ییغنده ایکی قوم اره‌سیده بولگن جنجللرنی ییچیش اوچون غزنی‌گه یوباریلگن هیات هیچ قنده‌ی یوتوققه ایریشمه‌گنینی ایتگنلر.
اولرگه کوره، نیخته و شیرآبات قیشلاقلری‌نینگ یشاوچیلری ارهسیدهگی جنجللر حقوقی و سیاسی درایت طلب قیله‌دی؛ بیراق قانون کوچسیزلیگی منطقه‌ده انتقام آلیش و آدم اوغیرلشلرگه سبب بولگن.
افغانستان مدنی جمغرمه‌سی‌نینگ رییسی نعیم نظری‌نینگ ایتیشیچه، جنجللر باشله‌نیشی بیلن نیخته یشاوچیلریدن 12کیشی گروگان آلینگن دیر اولردن تورته‌سی پول بیریش بیلن آزاد ایتیلگن و ایکته‌سی کلتکلش جریانیده جان بیرگن.
مذکور ییغنده اوقیلگن بیانات اساسیده چونی، ماشی، نوآباد بازار، قره‌چه، جمال و میرگ قیشلاقلری‌نینگ یشاوچیلری اوی قملده قالگنلر.
مدنی جامعه اعضالریدن علی فکور، حکومت تمانیدن غزنی‌گه یوباریلگن ایکینچی هیات جنجللرنی ییچیش اورنیده آذوقه سی یوقلیگی اوچون پوسته‌سینی 7کیچه و کوندوزدن کیین قویبارگن محلی پولیسلردن ایکی کیشی و بیرته محل یشاوچیلریدن بولگن شخصلرنی یوتوق اورنیده مرکزگه کیلگتیرگن دیدی.
بیراق ایچکی ایشلروزیرلیگی‌نینگ سوزچیسی نصرت رحیمی سلام‌وطندارگه بو وزیرلیک تمانیدن یوباریلگن هیات شیرآباد نیخته قیشلاق یشاوچیلری بیلن اوچره‌شیب اولر موضوع حل بولیشی اوچون سوزلش‌گه تیارلیک کورستگنلیکلرینی ایته‌دی.
رحیمی‌گه کوره، ایکی کیشی جنجللرگه کوپراق قول اوریشی عیبی بیلن اوشله‌نیب وباشقه عامللرهم اوشلنیشی‌دن خبربیره‌دی.
مدنی جامعه جمغرمه‌سی دولت‌دن قانون یارقینلیگی‌ده ایکی تمان قانونی ایستکلریگه ییتیشیش‌نی طلب قیلگن.
بو خبر اعتراضچیلر کابل – قندهار شاه یولینی نیچه کون یاپگندن کیین کینگ ترقلدی.
