غزنی محلی مسؤوللری‌نینگ ایتیشیچه، اوتگن کیچه قوراللی طالب‌لر امنیتی کوچلر بیلن قیلگن اوروش‌ده مغلوب ایتیلگنیدن سونگ، آرقه گه چیکیلگن چاغیده، غزنی ولایتی‌نینگ اندر تومنی میری قیشلاغیده سلطان شهاب‌الدین مکتبی‌نی اوتگه یاندیرگن.
سلام‌وطندارگه صحبت بیرگن غزنی ولایت کینگشی اعضاسی عبدالجامع جامع نینگ ایتیشیچه، مذکور مکتب‌ده 4 مینگ‌دن آرتیق اوقووچی درس اوقیدی ایکن.
شونینگدیک، اوشبو واقعه‌نی غزنی پولیس قومندانی فرید مشعل تصدیق‌لگن.
بیراق، غزنی معارف باشلیغی مجیب‌الرحمن انصارنینگ ایتیشیچه، سلطان شهاب‌الدین مکتبی اوتگن کیچه یوز بیرگن اوروش جریانیده، بیر اوق نتیجه‌سیده اوتگه یانگن. غزنی معارف باشلیغی گه کوره، امنیتی قیین‌چیلیک‌لر و اندر تومنی‌نینگ قتناو یولی یاپیلگنی باعث، یانغین اوچیرووچی کوچلر یاردم اوچیریش‌گه یاردم بیرمه‌گن.
قوراللی طالب‌لر حاضرگچه بو توغریده فکر بیلدیرمه‌گن.
