غزنی ولایتی‌نینگ محلی بلند مرتبه‌لی رسمی‌لری، بوگون ایرتلب غزنی ولایتیده اوغیرلنگن‌لردن سکیزته‌سی قوییب یوباریلگن لیگی‌دن خبر بیرماقده‌لر. ولایت اورین باسری محمدعلی احمدی نینگ سلاو وطندارگه ایتیشیچه، قورال‌لی طالب‌لر اوغیرلگن‌لردن بیر یولاووچی قوشیمه هیداوچی‌نی هنوز آزاد قیلینمه‌گن.
اما، ولایت کینگشی نینگ اعضاسی حسن رضا یوسفی نینگ ایتیشیچه، اوغیرلنگن‌لر اون ایکّی کیشی بولگن اولردن اون بیر نفری آزاد ایتیلگن.
مذکور یولاووچی‌لر بوگون ایرتلب جاغوری – غزنی منطقه‌سیده جایلیشگن شاه‌باز و نوغی قیشلاغی‌ده طالب‌لر تامانی‌دن اوغیرلنگن ایدی. جاغوری ولسوال‌لگی‌دن غزنی شهریگه حرکت‌ده بولگن ایکّی سراچه تیپلی موتر طالب‌لر آرقه‌لی توخته‌تیلیب، ایکّی موترنینگ یولاووچی‌لری بیر موترده آلیب کیتیله‌دی.
غزنی ولایت اورین باسریگه کوره، اوغری‌لر اوغیرلگن‌لردن بیرته‌سی‌نی ایلگری‌دن حقی‌ده معلومات‌لری بارلیگی ممکن بولگنی اوچون قوییب یوباریلمه‌گن.
ولایت اورین باسری غزنی امنیتی کوچلری‌نی تنقید آسیتی‌گه آلگن. اونگه کوره، ملی کوچ‌لر هر دایم حادثه یوز بیرگن‌دن سونگ سعی و حرکت قیله‌دی‌لر.
اونگه کوره، شاه‌باز و نوغی طالب‌لر اداره‌سی‌ده بولگن منطقه لردن. اوتگن ییل هم قندهار ولایتی نینگ نماینده‌لرمجلسی‌ده‌گی وکیلی فریبا کاکر و بیلیم یورت نینگ 30 اوقیتوچی‌سی انه شو منطقه‌ده اوغیرلنگن ایدی‌لر.
عین حالده، جناب یوسفی نینگ غزنی ملی خوف‌سیزلیک اداره‌سی باشلیغی‌گه اساسلب یازیشیچه، امنیتی کوچ‌لری اره‌لشگن‌دن سونگ طالب‌لر اوغیرلگن‌لردن 11 سی‌نی قوییب یوباریش‌گه مجبور بولگن‌لر. اما، هنوز هم بیر کیشی طالب‌لر قولی‌ده قالماقده.
غزنی ولایت اورین باسری، اوغیرلنگن‌لر برچه‌سی تینچ اهالی ایکن لیگی‌نی تیل‌گه آلگن.
بوندن 20 کون آلدین نا معلوم قورال‌لی شخص‌لر ایران‌دن کیله دیگن هزاره قومی‌گه منسوب 31 یولاووچی‌نی زابل ولایتی‌نینگ شاه‌جوی ولسوال‌لیگی‌ده اوغیرله‌گن ایدی‌لر.
مذکور شخص‌لر قیته آزاد ایتیلیشی اوچون ملی کوچ‌لر آرقه‌لی عملیات‌لر یولگه قوییلیشیگه قره‌مسدن، هنوز هم نا معلوم دلیل‌لر سبب اولرنینگ تقدیری باره‌سیده هیچ قنده‌ی خبر یوق.
