عدلیه وزیرلیگی رسمی‌لری‌نینگ ایتیشیچه، عیاللر و باله‌لرگه قرشی زوره‌وانلیک آلدینی آلیش قانونی اساسیده، اجتماعی ایشلر وزیرلیگی‌نینگ رهبرلیگی‌ده عیاللر و باله‌لرگه قرشی زوره‌وانلیک آلدینی آلیش عالی کمیسیون تشکیل ایتیله‌دی.
اوشبو قانون‌گه کوره، دولتی اداره‌لر، ولایت و تومن کینگش‌لری عیاللر و باله لرگه قرشی زوره وانلیک آلدینی آلیش گه مسؤول دیر.
عدلیه وزیرلیگی سوزلاوچیسی امان ریاضت نینگ ایتیشیچه، مذکور قانوندن مقصد زوره‌وانلیک‌ده قربان بولگن‌لردن حمایت ایتیش، خوفسیز محیطی یره‌تیش، تعلیمات بیریش، عیاللر و باله‌لرنینگ ساغلیک خذمت‌لریگه قول تاپیشی دیر.
اوشبو قانون‌گه کوره، زوره‌وانلیک‌لرده قربان بولگن‌لرنینگ اوزلری یا-ده نماینده‌لری پولیس، محکمه، ولایت یا-ده تومن کینگشی‌ده کتبی شکایت قیله آله‌دی.
جناب ریاضت گه کوره، عیاللر و باله‌لرگه قرشی زوره‌وانلیک آلدینی آلیش قانون تصدیقلنگنیدن سونگ، عیاللر و باله‌لرگه قرشی زوره‌وانلیک و شونگه اوخشه‌گن موضوعلر ابتال اعلان قیلینگن.
مذکور قانون اساسیده، وجودگه قول اوریش، ناقانونی ایستک، لفظی و فیزیکی اذیت انسان روحی گه زیان ییتیشتیره‌دیگن عمل سنله‌دی.
عدلیه وزیرلیگی مسووللری نینگ ایتیشیچه، عیاللر و باله‌لرگه قرشی زوره‌وانلیک آلدینی آلیش قانونی، اساسی قانون‌نینگ 24 و 54 ماده‌سی اساسیده، 3 فصل و 29 ماده بیلن تیارلنگن.
