.jpg)
کابل‌ده رابعه بلخی کسل‌خانه‌سی‌نینگ رسمی‌لری، اوتمیش‌ده هر هفته‌ده سیچقان داروسی ییب اوزینی – اوزی اولدیریش‌نینگ بیر واقعه‌سی مذکور کسل‌خانه‌ده رویخط گه آلینر ایدی دیگن؛ بیراق، بو ییل هر ایکّی کیچه ده خودکش لیک‌که قول اوریش‌نینگ بیر واقعه‌سی رویخط گه آلینه‌دی دیدی.
عایله‌وی زوروانلیک‌لر کوپینچه عیال‌لرنی اوزینی – اوزی اولدیریش چیگره‌سی‌گه تارتگن. اوزینی – اوزی اوتگه بیریش، دیازپام، آلپرازولام، ترامادول کبی دارولردن فایده‌له‌نیش و یینگیل قورال‌نی ایشله‌تیش اوزینی – اوزی اولدیریش اوچون اینگ آسان یول حسابلنه‌دی. اما، اخیرگی ییل‌لرده خاتین‌لر ایچی‌ده سیچقان دواسی ییب اولدیریش حال‌لری هم آشگن.
رابعه بلخی ساغلیق‌نی سقلش اداره‌سی‌نینگ ایچکی کسل‌لیک‌لر متخصصی داکتر شهلا وردک امیری سلام‌وطندار ترماغی بیلن اوتکزگن صحبت‌ده، خاتین – قیزلر ایچی‌ده سیچقان داروسی ییب اوزینی – اوزی اولدیریش میزانی آشگن. سابق‌لر ایکّی اوچ هفته‌ده سچقان داروسی ییب هلاک بولگن ایکّی اوچ کیشی بو شفاخانه تامانیدن رویخطگه آلینر دیگن خانم امیری. شونینگ‌دیک خانم امیری سوزلریگه کوره، اوزینی – اوزی اولدیریش اوچون سیچقان داروسی اینگ زهرلی دوا حسابنله‌دی.
عین حالده، جمهوریت شفاخانه‌سی‌نینگ ایچکی کسل‌لیک‌لر متخصصی داکتر گل محمد هاشمی، سیچقان داروسی ییب اوزینی – اوزی اولدیرگن‌لر توغریسی‌ده انیق حسابات‌گه ایگه ایمس لیگینی ایتیب، اما، حاضرگی کونلرده اوزینی – اوزی اولدیرگن تورت کیشی‌دن ایکّی نفری سیچقان داروسی ییب حیاتی‌گه نقطه قویگن‌لر بوله‌دی دیگن. شونینگ‌دیک جناب هاشمی، سیچقان دواسی ییگن کیشی‌لر تیزلیک‌ده ساغلیق‌نی سقلش اداره‌سی‌گه ییتکزیلمه‌گن حالده، درحال حیات‌دن کوز یومیشی ممکن دیدی.
سیچقان دواسی ییب اوزینی – اوزی اولدیریش تقریباً هرات‌ده بیر مدنیت‌گه ایلنگن. هرات حوزه‌وی شفاخانه‌سی‌نینگ اداری مدیری محمد‌رفیق شیرزی‌نینگ ایتیشیچه، بو اداره جاری قویاش ییل باشلنگن‌دن بیری سیچقان داروسی ییب اوزینی – اوزی اولدیریلگن 388 کیشی‌نی رویخطگه آلگن. بولرنینگ 80 فایزی خاتین – قیز لر دیدی جناب محمد رفیق شیرزی.
کابل‌ده انسان حقوق‌لری ساحوی کمیسیون اداره‌سی‌نینگ اورین باسری شبنم سیمیا، خاتین – قیزلر سیچقان داروسی ییب اوزینی – اوزی اولدیریشی نینگ میزانی آشگن لیگی‌گه بیرینچی عامل اوشبو دارو تیزلیک‌ده تاپیلیشی همده زهرلی بولگن‌لیگینی سبب قیلیب کورستماقده.
خانم سیمیا، عیال‌لرنینگ زوروانلیککه عاید دوسیه‌سی تیکشیریشلیش‌ده عدالت تامین بولمس‌لیگی، سنتی جرگه‌لر موجودلیگی و باشقه شو کبی عاملر جمله‌دن سوادسیزلیک و قشاقلیک‌دن کیلیب چیقه‌دی دیگن. اونگه کوره، افغانستان‌ده عیال‌لرگه قرشی زورانلیک حال‌لری ایلدیزدن یوق ایتیلمه‌گن حالده، بازار – دوکانلردن سیچقان داروسی‌نی ییغیش بیلن بو اجتماعی معماگه پایان بیریش ممکن ایمس.
سیچقان داروسی‌نینگ ترکیبی‌ده آرسینک و ارفرین زهرلی ماده‌سی قوشیلگن لیگی سبب کیشی استعمال قیلیشی بیلن یوره‌ک، اوپکه و قان جریانی‌گه سالبی تاثیر اوتکزیب، بو دوانی استعمال قیلگن شخص‌نی در حال هلاک ایتیشی ساحه متخصص‌لری تامانیدن تیل‌گه آلینه‌دی.
