دوشنبه کونی ایچکی ایشلر وزیری نورالحق علومی‌نینگ غزنی‌ده باریب ایتیشیچه، شو حاضر افغانستان امنیتی کوچلری اوروشلرده اوستون و اولر چیگره‌لر و شهرلر امنیتی اوچون ویژه برنامه کوزگه توتگنلر.
ایچکی ایشلر وزیری غزنی امنیتی وضعیتی‌نی کوریب اوتیش اوچون اوشبو ولایت باریب ایتیشیچه، عصیانچی‌لر پاکستان‌دن بویروغ آله‌دیگن پدیده بولیب، آق و قرا بیره‌ق کوتریب فعالیت قیلیش‌لری بیلن اولکه ایریم ولایت‌لریده نابود ایتیلگن.
ایچکی ایشلر وزیری‌نینگ بیلدیریشیچه، طالب‌لر بوییل قوشنی اولکه‌لریاردمی بیلن اولکه 10 ولایتی‌نی سقوط قیلیش نیتی‌ده ایکنلر، اما افغانستان امنیتی کوچلری اولرنی نابود قیلگن.
جناب علومی‌نینگ ایتیشیچه، افغان یشاوچی‌لری‌نینگ اولدیریش‌گه تصمیم آله‌دیگنلر امنیتی کوچلرتامانیدن نابود ایتیلیشی‌گه تأکید قیلدی.
علومی‌نینگ کوپه‌یتیریشیچه، غزنی مرکزی و تومنلری امنیتی تأمین ایتیلیشی اوچون جدی شکلی‌ده کوره‌شیب کیلماقده.
ایچکی ایشلر وزیریگه کوره، قره‌باغ و قیاق چوللریدن اوته‌دیگن جاغوری، مالستان، ناور و اجرستان تومنلری یولی‌نینگ امنیتی تأمین ایتیلیشی اوچون محلی پولیس جایلشتیریله‌دی.
بوندن آلدین غزنی یشاوچی‌لری ولایت ایریم تومنلریده دولتی نهادلر فعالیتی بولمه‌گنلیگی‌دن خواطر بیلدیرگن ایدیلر.
شو سونگی اهالی توشیریلیشی و یوللرامنیتی قیینچی‌لیگی باعث غزنی خلقی‌نینگ خواطرگه سالگن.
غزنی یشاوچی‌لری ایچکی ایشلر وزیریدن ولایت مرکزی و قیشلاق‌لری امنیتی تأمین ایتیلیشی‌نی سوره‌گنلر.
اولرگه کوره، قورالی شخص‌لر یوللرده چیقیب اهالی مالی و جانینی آلیشگه سبب بوله‌دی.
غزنی تومنلری‌نینگ یولیده اهالی توتقینگه آلینیشی کوپه‌یب بارماقده و شو سونگی ایکی هفته‌ده، بو ولایت‌ده آدم اوغیرله‌نیشی باره‌سیده نیچه گزارش کیلگن.
غزنی یشاوچی‌لریگه کوره، دولتی مأمورلر وقوم بویوکلری، ولایت ایریم تومنی‌ده موتر بیلن باره آلمه یدیلر.
بوشوپیت‌ده بوله‌دی کیم، ایچکی ایشلر وزیری‌نینگ غزنی‌ده باریب صحبت قیلیشی بیلن بیرگه طالب‌لر تامانیدن ولایت راکتی حجوم‌گه آلیندی، ولی غزنی امنیتی مسؤوللریگه کوره، مذکور حجوم‌لرگه کیشی آسیب کورمه‌گن.
