عطامحمد نور: ښکر ماتوم

افغان ولسمشر محمد اشرف غني نن شنبه (مارچ۲۵مه) په یو رسمي سفر بلخ ولایت ته لاړ، څو هلته د روضه‌ی شریف په نوم یو جومات پرانستلو کې ګډون وکړي او د ښونځيو د پېل زنګ هم وکړنګوي.

په دغو مراسمو کې د بلخ اوسني والي عطامحمد نور وویل، چې ډير ژر به له خپلې دندې استعفا وکړي.

هغه زیاته کړه:" هر هغه څوک، چې په بلخ ولایت کې ښکر وکړي، نو ښکر به يې مات کړم".

نوموړي زیاته کړه، چې په‌دې وروستیو کې د شمالي ولایتونو د امنیت خرابوالي یوازنی لامل څو وسله‌وال طالبان نه‌دي، بلکې د څو هېوادونو ګډه استخباراتي برنامه ده.

عطامحمد نور وايي، که چېرې د شمال امنیت ته جدي توجه و نه‌شي، نو بلخ به ورسره هم زیانمن شي.

له بل لوري ولسمشر محمد اشرف غني هم په دغو مراسمو کې وویل، چې د بلخ والي عطامحمد نور تل د دغه ولایت د امنیت له‌پاره هڅې کړي او شمالي ولایتونه يې هم له پامه نه‌دي غورځولي.

ولسمشر د عطامحمد نور کارونه د ستاینې وړ وبللې او زیاته يې کړه، چې بلخ د ده پر مهال زیات اقتصادي او سیاسي پرمختګونه کړي دي.

د ولسمشر غني پر خبره، خلک د بلخ والي له استعفا کولو سره راضي نه‌دي، خو زیاته يې کړه، چې په‌دې اړه به وروسته خبرې اترې وشي.

د ویلو ده، چې له تېرو ۱۵ کلونو راهیسې عطامحمد نور کله د بلخ والي او کله هم د سرپرست په توګه دنده ترسره کړې ده.

همدارنگهعطامحمد نور _{د  شنبې ورځ د نوي تعلیمي کال د پیل مراسمو پر مهال وویل، په بلخ کې ۵۵ سلنه ښوونکې میرمنې دي.}

_{د نور پروینا، د لیک لوست د غوړیدا له پاره په بلخ ولایت کې د ۱۵ تر ۲۰ میلیونو ډالرو په لګښت ښوونیز مرکزونه جوړ شوي دي.}

_{" څرنګه چې د پوهنې ريیس مخکې یادونه وکړه  ۱۳ زره ۶۰۰ ښوونکي لرو ۵۵ سلنه يې میرمنې دي چې دا ونډه يې له نارینه و زیاته ده"}

_{د بلخ والي وايي په  ۱۳۸۳ لمریز کال کې ۳۵۰ بابه ښوونځي وو خو اوس مهال دغه شمېر ۶۸۰  ښوونځيو ته رسیدلی دی.}

 _{نور په  بلخ ولایت کې د لوړو زده کړو ودې په اړه وايي د بلخ دولتي پوهنتون په بیلا بیلو پوهنځیو کې  ۲۳ زره زده کړیالان لري چې له دې شمېرې ۵۰ سلنه یې نجونې دي.}