بلخ ولایت سرپرستی عطامحمد نور، رهبرلرقانی عسکرلرقانیدن بویاقلی ایمس دیگن و امنیتی کوچلردن جانی برابریده بولسه هم حمایت قیلیشینی بیلدیرگن.
بوگون (سه‌شنبه) جناب نور اولکه ایرکین‌لیگی96-ییل‌لیگی کوتیب آلیش مناسبتی بیلن امنیتی کوچلرگه خطاب، اولردن حمایت قیلیش اوچون قان هم توکسه حاضر ایکن‌لیگی‌نی اورغوله‌دی.
او، امنیتی کوچلرنینگ اهالی و باله‌لر اوقیشی‌دن حمایت قیله‌دیگن جسارت و ایثارگرلیکلری اوچون اوزمنت‌دارچی‌لیگی‌نی بیلدیردی.
جناب نورنینگ کوپه‌یتیریشیچه، تینچ‌لیک باره‌سیده تلاشلر بولیشی بیلن، طالب‌لر امنیتی کوچلر باشینی کیسه‌دی، ولی ینه هم ایناغه دییله‌دیلر.
بلخ ولایت سرپرستی، اولکه امنیتی وضعیتی‌دن خواطر بیلدیریب ایتیشیچه، امنیتی کوچلر باشی کیسلیشی بیلن کیلتیره‌دیگن تینچ‌لیک نینگ اولکه بویلب قیسی فایده‌سی یوق و ناتینچ‌لیکلریوکسه لیشیگه سبب بوله‌دی.
جناب نور اولکه ایریم ولایت‌لریده ناتینچ‌لیکلر کوپه‌یشی عادی مساله دیب بیلمیدی و حکومت تامانیدن بو مساله جدی آلینیشی‌گه تأکید قیله‌دی.
جناب نورنینگ بیلدیریشیچه، افغانستان‌ده اوروش ینگی شیوه‌سی بیلن باشلنماقده و بو اوروشلر شمال‌شرق، غور، فراه و هرات ولایت‌لری نینگ بیرقیسمی‌نی اوزیگه آلیب هندوکش تامان ایلتیشگه تلاشلر بارلیگی ایتیله‌دی.
شوسونگی پیت‌لرده امنیتی کوچلردن حکومت ییریک رسمی‌لری حمایت قیلیش‌لری شدت تاپگن، جمله‌دن جمهور رییس بیرینچی اورین باسری جنرال عبدالرشید دوستم، امنیتی کوچلرگه روحیه بیریش اوچون شمال‌ده طالب‌لرگه قرشی عملیاتلر مسؤولیتی‌نی اوز بوینیگه آلگن.
شونینگ‌دیک شاهین 209 قول اوردو باشلیغی عبدالحمید حمید امنیتی کوچلر یوقاری روحیه گه ایگه بولگن‌لیکلری باره‌سیده ایشانچ بیره‌دی و طالب‌لربیلن اوتکزیلگن یوزمه یوز اوروشلرده اولرنی نابود قیلگن‌لرینی بیلدیره‌دی. اما جناب حمیدگه کوره، شمالده‌گی امنیتی کوچلرگه قرشی طالب‌لر توطئه قیلیش لایحه‌سینی باشله‌گنلر.
جناب حمیدنینگ بیلدیریشچه، اوتمیش 5 آیده‌گی طالب‌لرگه قرشی 9 ولایت‌ده اوتکزیلگن عملیاتلرده 997 طالب هلاک، 638 ته‌سی یره‌لنگن و 66 طالب هم قیدگه آلینگن.
اونگه کوره، شوحاضر امنیتی کوچلر فاریاب ولایتی‌نینگ غورماچ وقیصار، سرپل نینگ کوهستانات، سوزمه قلعه، جوزجان ولایتی نینگ قرقین و خم‌آب، بغلان ولایتی نینگ دندغوری، قندوز ولایتی نینگ ارچی، خان‌آباد و قلعه زال، بدخشان ولایتی نینگ کشم و تگاب تومنلریده پاکلش عملیاتلری بیلن مصروف‌لر.
اولکه شمالی‌ده طالب‌لرگروهی‌نینگ هجومی شدت تاپیشی بیلن اوشبو گروه‌گه قرشی یوکسک عملیات، اینیقسه فاریاب ولایتی‌ده باشلنگن و امنیتی مسؤوللرگه کوره، مذکور عملیاتده کوپلب یوتوقلرقولده کیلگن.
