غزنی ولایتیده عاموی اخبارات واسطه‌لریده ایش قیله دیگن خاتین – قیزلر جمعیت نینگ باشقه قتلمی‌دن کوره کوپراق اولیمگه تهدید ایتیله دیلر. شونینگدیک بولر دایم شخصلر آرقه‌لی قیناققه آلینه‌دیلر. غزنیده‌گی محلی خبرچیلریدن بیری گیتا نینگ سوزلریگه کوره، خبرچیلیک‌نی مخصوص عشق و قیزیقیش بیلن باشله‌گن. او، موجود قیین چلیکلرگه قره‌مسدن، اوز ایشیگه دوام بیره‌دی.
عیاللرنی قیناققه آلیش طبیعی بیر عمل. لیکن گیتا، جمیعت‌ده کوپراق تانیلگنی اوچون باشقه‌لرگه قره‌گنده کوپراق اذیت ایتیلیشینی تیل‌گه آله‌دی. کیشیلر وقت سیز بونینگ تیلفونی‌گه قونغراق قیلیب« بیرینچی حرفلری ایسه سینی سویه من، آوازینگنی عاشقیمن دیگن سوزلرگه رد جواب آلیش بیلن آغیزلریدن کیلگن گپ بیلن» سوکیلیشینی ایته دی گیتا.
گیتا قونغراق قیله دیگنلر نینگ ایسته گیگه رد جواب بیرگن حالده، آغیر سوکیشلر گواهی بولیشنی ایته‌دی. گیتانینگ سوزلریگه کوره، عاموی اخبارات واسطه‌لریده ایش قیله دیگن خاتین – قیزلر کوپراق کسل ایرککلر تامانیدن اذیت ایتیله دیلر.
بو قبیل قیین چیلیکلر تیلفونی صحبتلر بیلن خلاصه بولمه‌یدی البته. ییتکرمه‌لرده خذمت قیله دیگنلردن باشقه بیری‌نینگ سوزلریگه قره‌گنده، بازار همده فروشگاهلرگه بارگن حالده هم اوز باشیمچه کیشیلرنینگ تورلی خیل گپلریگه اوچره‌یدیلر. بولر کیشیلر تامانیدن تعقیب بولمسلیکلری سبب دایمی کیملیکلرینی یاشیریشگه حرکت قیله دیلر.
ولایت‌ده کوپلب ییل اخبارات واسطه‌لریده ایشله‌گن همده مدنی فعاللردن بیری خانم مزاری محجوب نینگ حکایه‌سی‌گه کوره، کوپینچه پیتلرده حتی امنیتی بلند مرتبه‌لی رسمیلری هم عاموی اخبارات واسطه‌لریده ایش بیلن شغلنه دیگن خاتین – قیزلرنی اویینی بیلیش اوچون سعی وحرکت قیله‌دیلر.
غزنی ولایتیده رسانه لرده ایش بیلن شغللنه دیگن خاتین – قیزلر اذیت بولیشینی تصدیق ایتگن مدنی فعاللردن بیری عارف نوری، بو مساله حتی ییتکرمه‌لرده ایش قیله دیگن خاتین لرنی اولیم گه تهدید بولگن‌لرینی سلام‌وطندارگه ایتگن.
حاضرگی کونده غزنی ولایتی 2 تلویزیون همده 7 رادیو اخبارات واسطه‌لریده فعالیب قیلیب کیله‌دی. لیکن، اخیرگی ییلده اوشبو بولیملرده خاتین – قیزلر فعالیتی سیزیلرلی درجه‌ده ایمس.
