افغانستان جمهور رییسی محمد اشرف غنی سعودیه عربستانی‌گه قیلگن سفری‌نینگ ایکینچی کونیده بو مملکت پایتختی ریاض‌گه باردی.
سعودیه عربستان پادشاهی ملک سلیمان بن عبدالعزیز جمهور رییس غنی بیلن اوچرشگنی‌ده ایتیشیچه؛ افغانستان تینچلیک لایحه‌سی اوچون هرقنده‌ی یاردم کورسه تیش‌گه تیار.
شونینگ‌دیک ملک سلیمان اقتصاد، امنیت و مدنیت ساحه‌لریده علاقه‌لر مستحکم لنیب، یاردم بیریش‌گه وعده بیرگن.
افغانستان جمهور رییس‌لیک سراییدن ترقه تیلگن خبرنامه‌ده، سعودیه عربستان پادشاهی افغانستان اوچون هرقنده‌ی کومک قیلیش‌دن ایشانچ بیرگن. عین حالده رسمی ریاض کابل‌گه دایمی همکارلیک قیلیش باره سیده تاکید له‌گن.
اوچره شووده، ایکی تامان ثمره‌لی و یخشی یاردملیک باره سیده کیلیشیب، مساله اوچون معین بیر چهار چوبه توزه تیلیشی ایتیلگن.
مذکور اوچره شو جمهور رییس غنی، سعودیه عربستان‌نینگ جهاد و ینگی توزوم‌گه کورستگن یاردملری اوچون منت‌دارلیک بیلدیردی و بو مملکت‌دن اوتمیش‌ده‌گی دیک، کیله جک‌لرده هم کومک‌لرگه دوام ایتیریش‌نی تیلگه آلدی.
جمهور رییس دنیا بویلب تروریزیم‌گه قرشی کوره‌ش‌ده سعودی عربستان ایجابی تاثیریگه اشاره قیلیب، حاضرگی کونده تروریزیم منتظم سیستم یوزه سیده بوزغونچیلیک فعالیت‌لرینی بجره‌دی دیگن. اوشبو سیستم‌نی نابود قیلیش اوچون انیق توشینچه بیلن رابطه لرینی یخشی‌له‌ش لازم دیگن. او،
مذکورسفرده افغانستان دولتی بیلن طالب‌لر ارا اوتکزیله جک تینچلیک مذاکره‌لرنی سعودی عربستان حمایت قیلیش و او مملکت‌نی افغانستان‌ده سرمایه یاتقیزیش مساله سی هم محاکمه قیلینگن.
ملی بیرلیک حکومتی یوزه گه کیلگندن بویان بو جمهور رییس‌نینگ سعودی عربستان‌گه قیلگن اوچینچی سفری سنله‌دی.
