ملی بیرلیک حکومتی یشاوچیلر امنیتی تأمین ایتیش و یخشی حکومت‌دارلیک باره‌سیده کوتاه‌لیک قیلگن.
بوگون (دوشنبه) اجراییه باشلیغی عبدالله عبدالله وزیرلر کینگشیده ملی بیرلیک حکومتی ایش سیزلیگی باره‌سیده نطق سوزله‌شیب، حکومت یشاوچیلرگه امنیت تأمین قیلیش و یخشی حکومت‌دارلیک باره‌سیده کوتاه‌لیک قیلگن دیدی.
جناب عبدالله، کابلده صادر ایتیلگن سونگی ناراض‌لیکلرگه قره‌ته، امنیت تأمین قیلیش‌نی امنیتی نهادلر مسوولیتی دیب بیله‌دی و یشاوچیلر ایستکی‌گه یره‌شه امنیت تأمین قیلینمه گن و یشاچیلرنی غضبله‌نیب اعتراض قیلیش‌گه حقلی دیدی.
اونینگ ایتیشیچه، جمهور رییس غنی بیلن سیاسی و امنیتی موضوع‌لر باره‌سیده سوزلشیشلرینی باشله‌گن. عبدالله کابل اعتراضچی‌لری یوزیگه اوق اوزشنی کیچیریلمس عمل بیله‌دی و قضیه عامللری تانیلیب، توتیلیب جزالنیشینی ایسته‌یدی.
عبدالله عبدالله حاضرگی سیاسی شخصیت‌لر و حکومت ارا پیدا بولگن اوزولیشلر اوتمیش ۱۵ ییل‌گه سابقه سیز بیله‌دی، اما بو اوزولیشلرنی اورته‌دن کوتاریش اوچون تلاشلر باشله نگنیدن خبر بیره‌دی.
جناب عبدالله کابلده حضوری بولگن وزیرلردن بیرقطاری عذری بولمسدن وزیرلر کینگشی‌گه قتنشمه گنلیگی‌گه قره‌ته اولر بیلن جدی برخورد بوله‌دی دیب آگاهلنتیرگن.
