اوتگن کون «چهارشنبه» جمهورلیک ریاست سیلاو نامزدی و ملی بیرلیک حکومت اجرایی باشلیغی عبدالله عبدالله، افغانستان بوییچه بیرلشگن ملتلر تشکیلاتی نینگ خاص نماینده‌سی تادامچی یاماموتو بیلن اوچره‌شگن.
اعتبارلی بیر منبع نینگ سلام‌وطندارگه ایتیشیچه، بو اوچره‌شوو کوپ جدی بولگن و داکتر عبدالله افغانستان بوییچه بیرلشگن ملتلر اورین‌باسرلیگیدن تنقید قیلیب ایتیشیچه، یوناما نینگ جنجللی آوازلرنینگ بیکار قیلینیشیدن آلدین تازه‌لنیشی و قیته سنه‌لیشی خصوصیده سونگی اقدامی و توجه‌سیزلیگی طرزالعمل‌لرگه قرشی بولیب و آوازلر تیکشیریلیشی نی سوراق آستیده قرار بیرگن.
منبع گه کوره، داکتر عبدالله بیرلشگن ملتلر تشکیلاتی‌دن مولانا عبدالله گه تیگیشلی ترقتگن نامه توغریسیده آچیق‌لیک سوره‌ب ایتیشیچه، افغانستان نینگ یمان وضعیتی‌ده بونده‌ی ناتوغری نامه‌لر یوباریلیشی یخشی ایمس دیر و بو افغانستان یشاوچیلری نینگ قومی و مذهبی احساسات‌لرینی کوپه‌یتیریب و بیرلشگن ملتلر تشکیلاتی نینگ اصولی گه قرشی دیر.
منبع نینگ کوپه‌یتیریشیچه، اجرایی باشلیغی افغانستان بوییچه بیرلشگن ملتلر تشکیلاتی‌نی اورن باسرلیک هیاتی نینگ نماینده‌سی بیلن اوتکزگن اوچره‌شوویده بونده‌ی حرکتلرنی افغانستان اوچون خوفلی عنوان قیلگن.
مذکور اوچره‌شووده جناب عبدالله نینگ ایتیشیچه، یقینلیک و برقرارلیک سیلاو تیمی دیپلماتیک تحرکات و سیلاوگه تیگیشلی بوتون موضوع‌لرنی جدی شکلده نظارت قیله‌دی؛ چونکه «افغانستان اهالیسی ساخته‌کارلیک‌که قربان بولگن و بو مرته هیچ‌بیر گروه و طرف‌گه ساخته کارلیک قیلیش‌گه رخصت بیرمی و ساخته‌کارلیک نتیجه‌سینی قبول قیلمه‌‌یدی.»
بوتوغریده افغانستان بوییچه بیرلشگن ملتلر تشکیلاتی اورن باسرلیک هیاتی و اجرایی ریاستی فکرینی آلیش اوچون سعی و حرکت قیلدیک، بیراق موفق بولمه‌یدک.
3 کون آلدین افغانستان بوییچه بیرلشگن ملتلر تشکیلاتی نینگ اورین باسرلیک هیأتی (یوناما) سیلاولر ایرکین کمیسیونی‌ده بیر مکتوب یوبارگن ایدی که کیم اونگه یازیلیشیچه، «بو کمیسیون اعضاسی مولانا عبدالله یوناما نماینده‌لری موجود بولگن 5- نوامبر ییغینی‌ده، کمیسیون نینگ دیتابیس مدیری بشیر علی نی اولیم گه تهدید قیلیب و اونینگ مذهب و قومی گه اهانت قیلگن.»
بیراق، سیلاو ایرکین کمیسیونی اعضاسی مولانا عبدالله اوتگن کونی بیرخبری ییغین آرقه‌لی یوناما ادعاسینی رد قیلیب و بو سازمان حرکتی‌نی غیر دیپلوماتیک عنوان قیلگن ایدی.
