حکومت‌گه یقین منبع‌لر افغانستان حکومتی نینگ اجراییه باشلیغی داکتر عبدالله عبدالله هندوستان‌گه سفر قیلیلیشی باره سیده خبر بیرماقده‌لر. حکومت رسمیلری، مذکور سفر مارچ آیی‌نینگ 14 – سیده هندوستان دولت رسمیلری بیلن ایریم موضوع‌لر توغرسیده صحبت قیلیش اوچون عمل‌گه آشیریلیشی‌نی ایتگن‌لر.
اوز نامی فاش ایتیلیشی‌نی ایستمه‌گن بیر منبع‌نینگ سلاو وطندارگه ایتیشیچه، هند تشقی ایشلر وزیرلیگی‌نینگ اورین باسری ایس جی‌شنکر افغانستان دولتی‌نینگ بلند مرتبه‌لی رسمیلری بیلن اوتکزگن ملاقاتات‌ده، تینچ‌لیک مذاکره‌لرده هندوستان رولی نظرده توتیلمه‌گن تقدیرده، هندوستان افغانستان‌ده‌گی ییریک لایحه‌لرینی توخته‌تیشی حقیده آگاه‌لنتیرگن.
هندوستان‌نینگ اوشبو یوقاری مرتبه‌لی رسمی‌سی حوت آیی‌نینگ 13 – سیده افغانستان حکومتی‌نینگ رسمیلری بیلن اوتکزگن ملاقاتی‌ده هندو و افغانستان علاقه‌سی مسحتکم‌له نیشی باره سیده بحث قیلگن ایدی.
شونینگ‌دیک ای جی‌شنکر افغانستان جمهور رییسی‌دن رسمی شکلده بو مملکت‌گه سفر قیلیشی‌نی سوره گن ایدی. بونگه قره‌مسدن سلام وطندار هندوستان و افغانستان دولت‌لری اورته سیده پرده آرتیده مذاکره بارلیگی‌دن خبر بیره‌دی. اوشبو مذاکره‌لرده هندوستان رسمی اسلام آباد بیلن کابل‌نینگ علاقه‌سی یخشی‌لنگن لیکیدن خواطر بیلدیرگن. حکومت‌گه یقین رسمی‌لرنینگ ایتیشیچه، ملی بیرلیک حکومتی‌نینگ اجراییه باشلیغی هندوستان بیلن علاقه‌سی مستحکم‌لیگی ایتیله‌دی.
اونینگ بو سفری هندوستان‌نی موضوع باره سیده‌گی موجود تشویش‌لرنی برطرف قیله‌دی. ایریم ایش بیلرمان‌لر هندوستان‌نینگ بو توغریده بولگن خواطری منطقی ایکن‌لیگی‌نی تیلگه آلگن‌لر.
سیاسی متخصص‌لر افغانستان هندوستان و پاکستان دولت‌لری بیلن سیاستی‌نی موازنتده اسره‌مه گن حالده، مذکور ایکی مملکت‌دن بیری آرقه‌لی زیان کوریش احتمالی موجودلیگی‌نی ایتگن‌لر. تشقی مساله‌لر اوچون ایش بیلرمان جمال‌الدین بدرگه کوره، افغانستان حکومتی پاکستان بیلن مذاکره‌گه هندوستان بلند مرتبه‌لی رسمی‌لرینی جریانگه قویمه‌گن تقدیرده، هندنینگ جدی عکس العملی‌نی کوتیشی کیره‌ک.
بدرنینگ سوزلریگه قره گنده، افغانستان حکومتی هندوستان بیلن بولگن تاریخی علاقه‌سی‌نی بوزمس‌لیگی لازم. داکتر عبدالله هندوستان بیلن بولگن یخشی علاقه سیدن فایده له‌نیب، پاکستان بیلن بولگن علاقه خطرلی بولمه گنی باره سیده ایشانچ بیریشی درکارلیگی تاکیدلنه‌دی.
خبرچی و یازووچی محمد زبیرنینگ ایتیشیچه، کابل، اسلام آباد و ینگی دهلی بیلن علاقه‌لرینی موازنتده اسره‌مه گن. اونگه کوره، افغانستان‌ده تینچ‌لیک اورنه تیلیشی اوچون پاکستان‌نینگ شرایط‌لریدن بیری افغانستان هندوستان بیلن اوز علاقه سینی توخته‌تیش بولگن حالده، بو یولده افغانستان‌دن کوره پاکستان کوپراق منفعت کوره‌دی.
جناب شفیقی‌نینگ جمهور رییس اشرف غنی‌نینگ شنبه کونی پارلمان‌ده‌گی سوزلریگه اشاره قیلیب ایتیشیچه، جناب غنی منطقه‌ده اجماع ایجاد ایتیلیشی باره سیده خبر بیرگن؛ مملکت علاقه‌لریگه ضرر ییتمس‌لیگی اوچون بو اجماع‌ده هندوستان‌گه ایریم سیاسی تحلیل‌چی‌لر؛ افغانستان، پاکستان و هندوستان اوچون نیابتی اوروش میدانی بولیشی‌نی بیلدیرگن‌لر.
افغانستان جمهور رییسی داکتر محمد اشرف غنی بوندن نیچه وقت آلدین هندوستان باش وزیری نرندرا مودی بیلن تیلفون آرقه‌لی صحبت قیلیب، جمهور رییس هندوستان‌گه سفر قیلیشی ایتیلگن، اما مذکور سفر هنوزگچه هم عمل‌گه آشیریلمه گن.
