اجراییه ریاستی‌نینگ باشلیغی عبدالله عبدالله، سیلاولر تیزیمی‌گه اصلاحات کیریتمس‌دن سیلاولر اوتکزیش امکان سیز دیب، بو جریان ایرته جمهور رییس غنی هماهنگ‌لیگی بیلن رسماً باشلنه‌دی دیگن.
بوگون (دوشنبه) وزیرلر کینگشی‌ده صحبت قیلگن اجراییه باشلیغی، سیلاولر تیزیمی‌گه اصلاحات کیریتیش کیچیکتیریلگن‌لیگی، بیر قنچه سیاستچی‌لرنی تیزیم‌دن فاصله آلیش‌لریگه سبب بولگن دیدی.
جناب عبدالله گه کوره، سیلاولر تیزیمی‌گه اصلاحات کیریتیش اوچون حکومت اهالی‌گه بیرگن وعده‌سی اساسیده، جاری ییل اکتوبر آیده بروکسل‌ده اوتکزیله دیگن ییغین‌گه قدر بو ایش عملی بوله‌دی.
عین حالده، نماینده‌لر مجلسی‌نینگ ایکینچی اورین باسری نعمت الله غفاری‌نینگ سلام‌وطندارگه ایتیشیچه، سیلاولر تیزیمی‌گه اصلاحات کیریتیش جمهور رییس نینگ صادر قیلگن تقنینی فرمانی ملی مجلس اعضالرینی ایشانچ رایی‌نی آلیش‌گه باغلیق دیگن.
شونینگ‌دیک جناب غفاری، جمهور رییس‌نینگ تقنینی فرمانی نماینده‌لر مجلسی تامانیدن تصدیق لنه‌گن حالده، سیلاولر تیزیمی‌گه اصلاحات کیریتیش قانونگه قرشی لیگی اوستیده تاکید ایتگن.
جمهور رییس غنی‌نینگ سیلاولر تیزیمی‌گه اصلاحات کیریتیش اوچون صادر قیلگن تقنینی فرمانی کوپچیلیک آواز بیلن رد قیلینگن ایدی؛ اما، سنا مجلسی مذکور فرمانگه بعضی بیر اوزگریش‌لر کیریتیش بیلن تصدیق له‌گندی.
ایتیلیشیچه، اوشبو فرمانی تصدیق‌له نیشی اوچون ایرته‌دن باشلب ملی مجلس اعضالریدن تشکیل بولگن کمیسیون اوشبو فرمان اوستیده ایش قیله‌دی.
