عالی مصالحه کینگشی، کابینه عضویتی اوچون جناب عبدالله تامانیدن تانیتیلگن کیشی‌لر خصوصیده جمهورلیک ریاستی ادعاسینی رد قیلگن.
عالی مصالحه کینگشی سوزلاوچیسی فریدون خوزون نینگ سلام‌وطندارگه ایتیشیچه، کابینه عضویتی‌نی قولگه کیریتیش اوچون عالی مصالحه کینگشی باشلیغی عبدالله عبدالله تامانیدن پیشنهاد قیلینگن نامزدلر مسلکی و سیاسی معیارلرگه ایگه دیر.
اوتگن "سه‌شنبه" کونی جمهورلیک ریاستی سوزلاوچیسی صدیق صدیقی، کابلده خبری بیر ییغین آرقه‌لی، کابینه عضویتی اوچون جناب عبدالله تامانیدن پیشنهاد قیلینگن کیشی‌لرنی شایسته بولمه‌گنینی بیلدیرگن ایدی.
بیراق، سیاسی ایش بیلرمان‌لرنینگ ایتیشیچه، کابینه اعضالری نینگ اساسی قانون ده تعیین‌لنگن معیارلر اساسیده تانیتیلیشی کیره‌ک.
سیاسی ایش بیلرمان‌لردن بیری محمدحیدری نینگ ایتیشیچه، کابینه عضالری نینگ معیارلری افغانستان اساسی قانونی‌ده تعیین‌لنگن، بیراق اشرف غنی و عبدالله عبدالله سیاسی سلیقه‌لر آرقه‌لی کابینه اعضالرینی تانیته‌دیلر.
جمهور رییس محمداشرف غنی و عالی مصالحه کینگشی باشلیغی عبدالله عبدالله آره‌سیده امضا ایتیلگن سیاسی کیلیشونامه‌گه کوره، کابینه اعضالری ایکی تاماندن تانیتیله‌دی، بیراق مذکور کیلیشوونامه امضا‌لنگنیدن 2 آی اوتماقده و کابینه اعضالری حاضرده هم تکمیل بولمه‌گن.
