بوگون «پنج‌شنبه» جمهورئیس غنی اشتراکیده برقی کیم‌لیک ترقه‌تیش جریانی رسماً باشلندی. بیراق، باشقه بیر تاماندن ملی بیرلیک حکومت اجراییه باشلیغی‌نینگ ایتیشیچه، رهبرلیک بوییچه قره‌مه قرشی‌لیک‌لر موجودلیگی باعث، برقی کیم‌لیک‌لر ترقه‌تیلیشی قانونی ایمس دیر.
جناب عبدالله نینگ کوپه‌یتیریشیچه، برقی کیم‌لیک‌لر ترقه‌تیلیشی توغریسیده جمهور رئیس تامانیدن آلینگن قرار قیین‌چیلیک کوپه‌ییشی گه سبب بوله‌دی و حاضرگی شرایط‌ده اهالی اوچون قیلینه‌دیگن بیرینچی ایش خوفسیزلیک تأمین‌لنیشی و تینچلیک و برقرالیک‌که ایریشیش بولگن.
اونگه کوره، برقی کیم‌لیک‌لر ترقه‌تیلیشی اهالی ایسته‌گی و برنامه‌نینگ بیر بولیمی دیر، بیراق حاضرگی شرایط‌ده ترقه‌تیلیشی باشله‌نیشی خلق نی الده‌ش دیر. عبدالله نینگ ایتیشیچه، خوفسیزلیک‌نی تأمین‌لش و فسادگه کوره‌ش یانیده، وقتی بیلن نماینده‌لر کینگشی و جمهورلیک ریاستی سیلاولری تنیق شکلده یولگه قوییلیشی اونملی دیر.
اونینگ کوپه‌یتیریشیچه، شونده‌ی بیر شرایط‌ده اهالی‌نینگ کوپینچه‌سی برقی کیم‌لیک آلیش اوچون مراجعت قیلمه‌یدی و قاغذی کیم‌لیک‌لر ترقه‌تیلیشی دوام ایتیشی کیره‌ک.
عین حالده، افغانستان ملی کنگره حزبی‌نینگ رهبری عبدالطیف پدرام، جمهور رئیس‌نینگ بو قراریگه قرشی‌لیک بیلدیریب ایتیشیچه، افغان کلمه‌سی‌نی ملی کیم‌لیک صفتیده افغانستان‌نینگ بوتون یشاوچیلریگه تحمیل قیلیش و برقی کیم‌لیک ترقه‌تیش لایحه‌سی‌نینگ باشله‌نیشی نماینده‌لرکینگشی‌نینگ تصدیقی گه قرشی بولیب و جمهور رئیس‌نینگ بو حرکتی، اهالی‌گه قرشی اوریش اعلان قیلیش دیگن.
مملکت‌ده تاثیرچن سیمالردن بیرقطاری، اجتماعی ترماقلرده برقی کیم‌لیک ترقه‌تیش لایحه‌سیگه قرشی‌لیک بیلدیریب و حکومت‌دن آلدینگی مصوبه اساسیده، کیم‌لیک ترقه‌تیشی‌نی سوره‌گن‌لر.
افغانستان نماینده‌لر کینگشی و سنامجلسی مصوبه‌سی اساسیده، برقی کیم‌لیک‌لر قومیت و ملیت سوزلری کیریتیلمس‌دن ترقه‌تیلیشی کیره‌ک ایدی و جمهور رئیس غنی ایشی‌نی بیرینچی کونلریده امضاءلندی، بیراق اورته‌گه چیققن قره‌مه قرشی‌لیک‌لر باعث، اوشبو موضوع گه تیگیشلی ماده گه قیته تیکله‌نیب و کیم‌لیک‌لرده ملیت و قومیت سوزلری کیریتیلیشی‌گه قرار قیلیندی. حاضرگه‌قدر اوشبو موضوع توغریسیده‌گی قره‌مه قرشی‌لیک‌لر دوام ایتماقده و عین حالده، قطار گروهلر بیرینچی مصوبه اساسیده، کیم‌لیک‌لر ترقه‌تیلیشی سوره‌یدیلر.
