د افغان ملي یووالي حکومت اجرایوي رییس عبدالله عبدالله د افغان امنیتي ځواکونو او ولس ترمنځ په اړیکو ټینګار وکړ او زیاته یې کړه، چې امنیتي ځواکونه باید له ولس سره ښې او نږدې اړیکې ولري.
اجرایوي رییس چې د کابل ولایتي شورا د استازیو او امنیتي چارواکیو په یوه ګډه ناسته کې خبرې کولې وویل، چې ولس د حکومت او ملي ګټو لهپاره ژمن دی؛ ځکه خو امنیتي ځواکونو د خلکو په باور په پلازمېنې او نورو ولایتونو کې امنیت حالات کابو کړيدي.
ده پهخپلو خبرو کې پهدې هم منښته وکړه، چې د کابل د ولس، د هغوی د استازیو او امنیتي ارګانونو ترمنځ د همغږۍ تشه د دې لاملېږي، چې د کابل امنیتي وضعیت خراب شي. عبدالله عبدالله له امنیتي ارګانونو وغوښتل، چې له خلکو سره نږدې شي. ده اندېښنه وښوده، که د خلکو او حکومت ترمنځ واټن زیات شو؛ حکومت به یې په سختۍ سره راکم کړی شي.
د حکومت اجرایه رییس معلوماتو د لاس رسي په اړه پر حکومتي چارواکیو نیوکه وکړه او زیاته یې کړه، چې خلک او رسنۍ د پېښې په اړه معلومات غواړي؛ خو امنیتي چارواکي په وخت ځواب نه ور کوي، چې لهدې سره د ملي یووالي حکومت لومړیتوبونه تر پښو لاندې کېږي.
د عبدالله عبدالله پر وینا، ولس حق لري، چې حقایق واوري او اړوند ارګانونه مکلف دي، چې معلومات ورکړي.
