.jpg)
اخیرگی نیچه کون ایچیده جمعیت حزبی نینگ اجراییه رییسی عطامحمد نور بیلن مملکت اجراییه ریاستی باشلیغی عبدالله عبدالله اورته‌سیده تره‌نگلیک پیدا بولگنی گزارش قیلینماقده. سلام‌وطندار ترماغیگه صحبت بیرگن معین بیر منبع بو ایکّی شخص اورته‌سیده‌گی مساله‌نی فاش قیلیشگن.
اوشبو منبع، اوزاق مددت دن بیری جمهور رییسلیک سرایی عبدالله بدالله بیلن چانه‌زنلیکنی توخته‌تیب، اونینگ اورنیده جناب نور جمهور رییسلیک سرایی بیلن مذاکره آلیب باریش صلاحیتنی قولیگه آلگن دیدی.
منبع نینگ معلوم قیلیشیچه، حاضر ایسه جعمیت حزبی عبدالله‌عبدالله نی جمهور رییسلیک سرایی بیلن چانه‌اوریش قابلیتی یوق لیگینی توشینگن. جمهور رییسلیک سرایی بیلن چانه‌اوروش اوچون حاضر هم عطامحمد نور کابلده دیدی اوشبو منبع.
منبع، اوشبو مذاکره‌لر ایجابی نتیجه بیریشی بیلن یکونله‌نیب، کیین بو توغریده‌گی شرطنامه عطامحمد نور بیلن جمهور رییس اورته‌سیده امضا چیکیله‌دی دیگن.
شرطنامه نینگ اصلی بولیمی ملی بیرلیک حکومتی تشکیل ایتیلیشی اوستیده کیلیشیلگن وعده‌لر، مذکور حزب ملی و خلق ارا موضوعلرگه قوشیلیشی، ایریم بولیملرگه اصلاحات کیلتیریش و ایکّی تامان نینگ طرفدارلری شفاف صورتده حکومت نینگ لوازملریگه ایشگه آلینیشی کبی مساله‌لرگه اشاره قیلگن اوشبو منبع.
.jpg)
بعضی ییتکرمه‌لرنینگ گزارشیگه اشاره قیلگن اوشبو منبع بلخ والیسی دولت اداره‌لریگه ایریم شخصلر ایشگه آلینیشی تکلیف ایتیلگنی شرطنامه نینگ بیر کیچیک بولیمی دیگن.
لیکن، عطامحمدنور نینگ عبدالله‌عبدالله اورنیگه کیلیشی فقط جمهور رییسلیک سرایی بیلن چانه اوریش بیلن چیکلنه‌دی دیگن منبع. جناب نور هنوز هم عبدالله و او آرقه‌لی باشقریله‌دیگن اجراییه ریاستینی حمایت قیله‌دی کیله دی دیگن سلام‌وطندارگه صحبت بیرگن منبع.
منبع نینگ تاکیدله شیچه، جمهور رییسلیک سرایی جناب نورگه بیره دیگن امتیاز بدلیده جمعیت حزبی حکومتنی حمایت قیلیب، ملی و خلق ارا واقعه‌لرده جمهور رییسلیک سرایی یانیده توره‌دی.
منبع، حاضرگی مذاکره‌لرده جمعیت حزبی رهبری صلاح الدین ربانی مساله‌سیدن علاوه قدرتدن چیتله تیلگن تاجیک، پشتون، هزاره و اوزبیک قوملری نینگ موضوعی هم عطامحمد نور تامانیدن حمایت بوله‌دی دیگن.
شونینگدیک اوشبو منبع، اجراییه ریاستی جمعیت حزبی نینگ ایستکلریگه دییرلی جواب بیره آلمه‌گنی اوچون جمهور رییسلیک سرایی بیلن مذاکره اوتکزیشده بعضی بیر اوزگریشلر نظرده توتیلگن لیگینی معلوم قیلگن.
نامی فاش ایتیلمسلیک شرطی بیلن سلام‌وطندارگه صحبت بیرگن باشقه بیر معین منبع، اوز ارا اولتیریشلردن بیریده عبدالله‌عبدالله جناب نوردن جمهور رییسلیک سرایی بیلن مذاکرگه پایان بیریب، مراسه جریانینی اجراییه ریاستیگه بیریشنی سوره‌گن دیدی.
اوشبو منبع، ییغینده عطامحمد نور اجراییه ریاستی سیاسی قدرت نینگ بیر تامانی اوله‌راق حق آلیشده موفق بولمه‌گنینی تیگله آلگن دیگن. عین حالده، مذکور منبع عبدلله‌گه یقین شخصلرهم جمعیت حزبی اجراییه ریاستی باشلیغی نینگ بو قرارینی خوش قرشیله‌گنلر.
.jpg)
لیکن، اجراییه ریاستی بو قبیل سوزلرنی رد قیلگن. اجراییه ریاستی نینگ سوزلاووچیسی مجیب الرحمن رحیمی، عطامحمد نور بلخ ولایتی نینگ سرپرستی همده جمعیت حزبی نینگ اجراییه ریاستی باشلیغی اوله‌راق جمهور رییسلیک سرایی بیلن مذاکرگه اوتگن بولیشی ممکن لیگینی تیلگه آلگن. لیکن، اجراییه ریاستی باشلیغی اورنیده عطامحمدنور حکومت بیلن مراسه قیلیش مساله‌سی بوتونلی ناتوغری دیگن جناب رحیمی.
جناب رحیمی‌گه کوره، عطامحمد نور اجراییه ریاستی نینگ بیرینچی حمایتچیلریدن و حکومت بیلن مذاکره قیلیشده اجراییه ریاستی تیمی نینگ مهم بیر اعضالریدن حسابلنه‌دی.
جمهور رییسلیک سرایی بیلن چانه اوریش مساله‌سی ملی بیرلیک حکومتی قوریلگندن بیری دوامی بار.
ملی بیرلیک حکومتی تشکیل ایتیلیشی اوچون کیلیشیلگن شرطنامه اساسیده سیاسی قدرت جمهور رییسلیک سرایی بیلن اجراییه ریاستی اورته‌سیده بیر سانده بولینیشی قید ایتیلگن ایدی. اما، حکومت نینگ عمریدن ایکّی ییل اوتیشیگه قره‌می بو موضوع هنوز هم حل بولگنیچه یوق.
حتی بوندن نیچه وقت آلدین جمهور رییس نینگ بیرینچی اورین باسری غنی‌نی ایریم قضیه لرگه بیر تامانلمه قضاوت قیلیب، اونینگ اوچون مهم مساله «قوم وملیت» دیگن دی.
