افغانستان عالی تینچلیک کینگشی نینگ مصلحتچیسی عبدالحکیم مجاهد ایشدن آلیندی. خبرنی تصدیق ایتگن افغانستان اجراییه ریاستی نینگ سوزلاووچیسی مجیب‌الرحمن رحیمی، جناب مجاهد بوندن بویان عالی تینچلیک کینگشی نینگ مصلحتچیسی صفتیده فعالیت قیله آلمیدی دیگن.
عالی تینچلیک کینگشی نینگ مصلحتچیسی عبدالحکیم مجاهد خبری بیر انجمنده طالبان حرکتینی فرشته‌لر همده مقدس گروه دیگن ایدی. او، صحبتی جریانیده داکترنجیب‌نی جانی خائن، مملکت ملی قهرمانی شهیداحمدشاه مسعودنی بغاوت‌گر یره‌ش شهیدی برهان‌الدین ربانینی افغانستان‌ده‌گی بوتون معمالرنی اصلی عاملی دیگن ایدی.
اونینگ بو سوزلری مملکت بولیب جدی عکس صدا لرگه سبب بولدی. افغانستان جمعیت حزبی نینگ اجراییه رییسی همده بلخ ولایتی نینگ سرپرستی عطامحمد نور، جناب مجاهدنی بیگانه‌لرنینگ خذمتچیسی دیب اونی تیزلیکده قولگه آلینیشی‌نی سوره‌گن ایدی. شونینگدیک یونس قانونی و احمدضیا مسعودلرهم عالی تینچلیک کینگشی مصلحتچیسی‌نینگ بو سوزلرینی قاره‌لگن ایدیلر.
افغانستان جمهور رییسلیک سرایی اوتگن کون بیر بیانات نشر قیلیب: « افغانستان دولتی سوز ایرکین لیگینی سوء استعمال قیلیب، مملکت خلقی نینگ اینیقسه خاتین – قیزلر و باله لرنینگ قاتلی قاله ویرسه مقدس مکانلر ینه عاموی ییرلرنی هجوم آستیگه آله دیگن شخصلرنی فرشته خطاب قیلیش اوچون هیچ کیمگه رخصت بیریلمیدی دیگن ایدی»
عین حالده، بیاناتده افغانستان رهبرلری همده ملی شصخیتلریگه حرمت‌سیزلیک قیلیش قبول ایتیلمیدیگن مساله دییلگن ایدی. اعلامیه‌ده حکومت مساله‌نی اورگه‌نیب نتیجه توغریسیده افغانستان خلقینی جریانگه قوییشی ایتیلگن ایدی.
