.jpg)
افغانستان عالی تحصیلات وزیرلیگی‌نینگ یوقاری مرتبه‌لی رسمیلری جاری ییل کانکور سیناوی‌نینگ آسیب‌پذیرلیگی آز ایکن‌لیگی باره‌سیده خبر بیرماقده‌لر. کانکور سیناوی اوچون ایشلب چیقاریلگن ینگی لایحه مذکور برنامه‌نی دییرلی تقلب قلیش آلدینی آلگن. ایتیلیشیچه، جاری ییل کانکور سیناوی دییرلی درجه‌ده تقلب‌سیز اوتکزیله‌دی.
مذکور وزیرلیک‌نینگ کانکور عمومی ریاستی‌نینگ سرپرستی احمد جاوید رسولی‌نینگ سلام‌وطندارگه ایتیشیچه، جاری ییل کانکور سیناویده هر بیر اوقووچی اوچون بیر سوراق جدولی نظرده توتیلگن و سوراق‌لرنینگ هیچ بیری تکراری ایمس. اونینگ کوپیتیریشیچه، سیناونینگ نتیجه‌سی الکترونیک ماشین آرقه‌لی اعلان ایتیله‌دی و لایحه ایسه تقلب آلدینی آلگن.
.jpg)
عالی تحصیلات وزیرلیگی‌نینگ رسمیلری، هنوز گچه 23 ولایتده ینگی سیستم اساسیده کانکور سیناوی قیین‌چیلیک سیز روشده اوتکزیلگن دیگنلر. شونینگ‌دیک حوت آیی‌نینگ باشیده کابل‌ده هم کانکور سیناوی اوتکزیلیشی کوتیله‌دی.
بوندن آلدین، هر ییل ولایت‌لرده کانکور سیناوی اوتکزیلگن‌دن کیین تقلب‌گه عاید ایریم جَنجاللر چیقردی. اما جاری ییل ایسه هنوزگچه وزیرلیک بونده‌ی معما بیلن روپه ره بولمه‌گن.
بو ییل 350 مینگ کیشی کانکور سیناویده اشتراک قیلیشی کوتیله‌دی بو لردن 55 عالی تحصیلات موسسه‌لریگه قبول قیلینه‌دی.
