بدخشان امنیتی رسمیلرینینگ گزارش بیریشیچه، اوتگن کیچه مذکور ولایتنینگ بهارک تومنیده طالبان گروهی گه تیگیشی قوراللی کیشیلر، نامعلوم دلیل بیلن بیر عیالنینگ باشینی کیسگن.
سلاموطندارگه صحبت بیرگن بدخشان پولیس قومندانلیگی سوزلاوچیسی ثناءالله روحانینینگ ایتیشیچه، حدیثه ناملی مذکور عیالنینگ باشی بهارک تومنی «خوش دریو» منطقهسیده کیسیلگن.
جناب روحانی گه کوره، اوشبو واقعه دلیلی حاضرگچه معلوم بولمهگن.
بیراق، طالبان گروهی سوزلاوچیسی ذبیحالله مجاهد، بو ادعانی رد قیلیب ایتیشیچه، اولرنینگ کوچلری محاکمه باسقیچی و عدلی مسئلهلرنی اوتکزمس دن بوندهی ایش گه قول اورمهیدی.
مجاهدنینگ ادعا قیلیشیچه، مذکور عیال عایلهوی جنجللر نتیجهسیده هلاک ایتیلگن و طالبان گروهی بو واقعه مسؤولیتینی بوینیگه آلمهیدی.
