قاچقین‌لر وزیرلیگی‌نینگ مسؤوللریگه کوره، اوتگن آلتی آیگه قره‌گنده حجتلی قاچقین‌لرنینگ ایران و پاکستان اولکه‌لریدن قیتیشلری 3 برابر کوپه‌یگن‌لیگی‌نی کورسته‌دی.
بوگون اوشبو وزیرلیک باشلیغی سیدحسین عالمی بلخی نینگ اوچ تامانلمه ایران، افغانستان و بیرلشگن ملت‌لرعالی کمیشنری ارا تشکیل ایتیلگن کمیسیون 19- اولتیریشی‌ده ایتیشیچه، اوتگن ییل ایران و پاکستان‌دن 16995 قاچقین افغانستان قیتگن ایکن، ولی بوییل اوتمیش آلتی آیی‌ده اوشبو سان 45132 مهاجرتدن اولکه‌سیگه قیتگن کیشیگه ییتیب بارگن.
بلخی‌گه کوره، شوییل دسمبر آیی اخیریگه قدر 54870 کیشی اولکه گه قیتیشلری کوتیله‌دی. جناب بلخی اولکه گه قیتگنلر حجتی بارلیگی‌نی بیلدیره‌دی.
انه شو حالده قاچقین‌لر بوییچه بیرلشگن ملت‌لرعالی کمیشنری نینگ افغانستان ده‌گی (UNHCR) نماینده‌سی خانم مایا گه کوره، قاچقین‌لرکیلیشی‌گه قره‌گنده باید جهانی جامعه‌سی بولر اوچون افغانستان‌ده یشش بنا زمینه سینی یره‌تسه.
خانم مایانینگ ایتیشیچه، اولر افغانستان قاچقین‌لر وزیرلیگی یاردمی بیلن اولکه گه قیتگنلر مصونیتی‌نی تضمین قیلیش‌گه کوره شه‌دیلر.
او، بوییلنی اوشبو کمیشنری اوچون مهم ییل بیله‌دی و مذکور نهاد اجراییه کمیته‌سی ژنوده‌گی سوزله‌شیشلری اوچون افغان قاچقین‌لری احوالی و بولرنینگ یشش وضعیتی باره‌سیده حل یول تاپیش اوچون مهم مساله‌لریدن ایکن‌لیگی‌نی اورغولیدی.
عین حالده ایران نینگ تشقی تبعه‌لر بوییچه عمومی مدیری احمد محمدی‌فر، افغان قاچقین‌لری نینگ اوزخوشلریگه قیتیش‌لرینی خوش قیرشیله‌گن.
او، ایرانده تشقی تبعه‌لیکلردن 4 میلیون انسان حیات کیچیره‌دی و بولردن 97 فایزی ایران نینگ کته شهرلریده یشب کیلماقده دیگن.
محمدی‌فرگه کورهَ، ایرانده-افغان قاچقین‌لری اوچون اوقیش و ساغلام یشش فرصت‌لری یره‌تیلگن ایکن.
جناب محمدی‌فرنینگ کوپه‌یتیریشیچه، شوحاضر افغان قاچقین‌لریدن 360 مینگ کیشی ایرانده باشلنغیچ و اورته اوقوویده مصروف ایکن‌لر و 17 مینگ باشقه‌سی ایسه عالی بیلیم یورتلرده اوقیب کیلماقده‌لر.
ایران نینگ تشقی تبعه‌لر عمومی مدیریگه کوره، شوییل جریانیده 50 مینگ قاچقیننی اورگه‌نیش اوچون رویخط‌گه آلگن‌لر.
جناب محمدی‌فر بوسوزلرینی شوپیت‌ده بیان قیلماقده دیرکیم، افغان قاچقین‌لری احوالی باره‌سیده ایران‌لیکلر تامانیدن یمان بیر حقارتلی وضعیت کیلتیریلگن دیب ایتیلماقده.
انه شوحالده، قاچقین‌لر وزیرلیک مسؤوللریگه کوره، کیله‌سی میلادی 2016- ییل‌گه قدر افغان قاچقین‌لری نینگ سانی 150 مینگ کیشیگه باریشی کوتیله‌دی.
اما سونگی ناتینچ‌لیکلر و اقتصادی قیینچی‌لیکلر سبب، ییگیت‌لردن کوپیسی تشقی اولکه‌لرگه کیتیش‌گه تن آلگن‌لر و هرکون پاسپورت اداره‌سی نینگ ایشیگی‌ده یوزلرچه انسان اینتیق بولیب صف توته‌دیلر.
پاسپورت ریاستی مسؤوللریگه کوره، اولکه بویلب هرکون 2مینگ پاسپورت ترقه تیله‌دی و شوحاضر پاسپورت آله‌دیگنلردن کوپیسی ییگیت‌لردیر، نیچه برابر سانلریگه آشگن‌لیگی کورسه تیله‌دی.
