هلمند ولایتی گرشک تومنی نینگ بیر قنچه یشاووچیسی، نوزاد تومنی پولیس قوماندانینی اهالیدن باج آلیشی حقیده خبر بیرگنلر. گرشک تومنی نینگ بو یشاووچیلری، محمد قوماندان حربی کییم همده قورالدن فایده‌له‌نیب اهالیدن پول و تیل ییغیب آله‌دی دیدیلر. اولرنینگ سوزلریگه قره‌گنده، نوزاد قوراللی طالبلر اشغالیگه اوتگندن کیین بو تومن نینگ قوماندانی گرشک ولسواللیگی‌گه کیلیب اهالینی قیناققه آلگن.
گرشک تومنی نینگ اهالیسی‌گه اساسله‌نیب تیارلنگن گزارشده، مذکور قوماندان‌گه قره‌شلی قوراللنگن 20 حربی بیر تانک تیل نینگ ایگه‌سیدن50 مینگ کلدار و 300 لیتر تیل سوره‌گن لیکلری معلوم قیلینگن. تانک تیل ایگه‌سی قوراللنگنلرگه 50مینگ کلدار بیریب و 300 لیتر تیل بیریشدن باش تارتگنی اوچون بولر آرقه‌لی کلتکلنگن‌لیگی تیلگه آلینه‌دی.
گرشک تومنی نینگ اهالیسی بو قوماندان نینگ کیشیلری پول قولگه کیریتیش اوچون هر یریم ساعت ایچیده تامانلریگه باش اوریشینی ایتگنلر.
هلمند مدنی جماعه‌چیلیک اداره‌سی نینگ باشلیغی سردارمحمد همدرد گرشک تومنی اهالیسی نینگ بو قبیل سوزلرینی تصدیقلب، محل رسمیلری‌نینگ بو حرکتی اهالی و دولت اره‌سیگه فاصله کیلتیرگن دیگن.
اما، حاضر هلمند ولایتی نینگ گرشک تومنیده قاله‌دیگن نوزاد ولسواللیگی‌نینگ پولیس قوماندن محمد بو ادعالرنی بوتونلی رد قیلیب، بوندن آلدین تومن امنیه قوماندانی بیلن محل اهالیسی اورته‌سیده پیدا بولگن قیین‌چیلیک منطقه قوم یاش اولوغلری همده آقسقاللری آرقه‌لی حل ایتیلگن ایدی دیدی.
ولایت‌نینگ عمومی یوللریده پولیس تامانیدن باج آلینیشی‌نی تصدیق ایتگن هلمند ولایتی نینگ و الیسی حیات‌الله حیات، گرشک تومنی پولیس قوماندانی نینگ باج آلگن لیگی حقیده بیرار نرسه دیمه‌گن. بونگه قره‌می، ولایت والیسی اهالیدن باچ آله‌دیگن پولیسلر تانیلیب عدلی و قضایی اداره‌لرگه تانیشتیریلیشی‌نی بیلدیرگن.
بوندن نیچه کون آلدین ولایت نینگ بیر قنچه یوک تاشیووچی موتر هیداووچیلری ایریم حاللرده پولیس نینگ ناقانونی پول آلیشیدن شکایت قیلگن بیرپیتده گرشک تومنی‌نینگ خلقی تومن نینگ امنیه قوماندانی باج آلیشینی فاش قیلماقده‌لر.
