ملی خوف‌سیزلیک اداره‌سی نینگ بلند مرتبه‌لی رسمیلری، اوغیرلنگن 31 یولاووچی تیزلیک‌ده آدم اوغیرلاووچی‌لر قولی‌دن آزاد ایتیلیشی‌نی ایتگن‌لر.
اوتگن کون ملی مجلس‌نینگ عمومی ییغینی‌گه چقیرتیریلگن ملی خوف‌سیزلیک اداره‌سی‌نینگ معاونی حسام‌الدین حسام، ملی امنیت اداره‌سی‌نینگ قولگه کیریتگن معلوماتی اساسی‌ده آدم اوغیرلاووچی‌لر اوغیرلنگن 31 کیشی‌نی قندهار ولایتی‌نینگ ارغنداب ولسوال‌لیگی‌گه آلیب کیتگنی انیق لنگن.
اما، زابل ولایتی‌نینگ ولسی جرگه‌ده‌گی وکیلی حمیدالله توخی‌نینگ سلام وطندارگه ایتیشیچه: « آدم اوغیرلاووچی‌لر مذکور 31 کیشی قوییب یوباریلیشی اوچون اوروش‌ده ملی کوچ‌لر طرفی‌دن قولگه آلینگن کیشی‌لری آزاد قیلینیشی‌نی سوره‌گن‌لر»
توخی‌گه کوره، اوشبو معلومات‌لرنی منطقه آقسقال‌لری تیل‌گه آلگنلر. ایتیلیشیچه، اوشبو آقسقال‌لر طالب‌لربیلن بو باره‌ده صحبت قیلگن.
مذکور یولاووچی‌لر بوندن بیر آی آلدین کابل – قندهار یولی‌گه قره‌شلی زابل ولایتی‌نینگ شاه‌جوی ولسوال‌لیگی‌دن اوغیرلنگن ایدی‌لر.
نماینده‌لر مجلسی‌نینگ ایریم اعضالری آدم اوغیرلاووچی‌لر اوغیرلنگن‌لرنی ایریم ییرلرگه آلیب بارگن، انه شو باعث هم حکومت‌نینگ بو خصوصده هنوزگچه آلیب بارگن سعی وحرکت‌لری نتیجه بیرمه‌گن.
اوشبو نماینده‌لرنینگ سوزینی تصدیق له‌گن حسام‌الدین، اوغیرلنگن‌لر برچه‌سی تیریک، طالب‌لر بولرنی یاشیریش اوچون 4-5 گروه گه بولگن لیگنی ایتگن.
پارلمان اعضالری‌نینگ سوراغی‌گه جواب بیرگن ملی خوف‌سیزلیک ریاستی‌نینگ معاونی‌گه کوره، هر کون مذکور اوغیرلنگن‌لر باره‌سیده ینگی معلوماتلر قولگه کیریته دی‌لر اوشبو شخص‌لر طالب‌لر قولی‌دن آزاد ایتیلیشی اوچون تورلی یوللردن فعالیت باشلنگن.
اوز نامی فاش ایتیلیشی‌نی ایستمه‌گن حکومت‌نینگ بیر منبعی‌گه کوره، اوشبو مساله سونگی کونلرده عاموی اخبارات واسطه لریده حساس موضوع‌گه ایلنگن، بیز عاموی اخبارات واسطه‌لریده اوغیرلنگن‌لر تقدیری توغری‌سیده هیچ نرسه تیل‌گه آلالمیمیز.
ایران‌دن افغانستان‌گه قیتگن بو 31 یولاووچی اوتگن ییل حوت آیی نینگ 4- سیده زابل ولایتی‌نینگ شاه‌جوی ولسوال‌لیگی‌ده اوغیرلنگن ایدی. حادثه‌دن بیر آی اوتیشی‌گه قره‌می، اوشبو یولاووچی‌لر تقدیری حقیده هنوز هم انیق معلومات قول‌ده ایمس.
