طالب‌لرنینگ ینگی رهبری، نماینده‌لریدن بیری ملاجلیل‌نینگ قطرگه یوباریب، مذکور گروه نماینده‌لریدن سابق رهبرنینگ اوغلی و ایناغه‌سی اورنیده، اوندن حمایت ایتیشینی سوره‌گن.
ملاجلیل طالب‌لرنینگ یقین و اونملی کیشی‌لریدن بیری سنله‌دی و مذکور گروه ییریک رسمی‌لری بیلن یقین علاقه‌ده بولگن.
طالبلر ییریک رسمی‌لریدن بیری‌نینگ ایتیشیچه، بو گروه‌نینگ قطرده‌گی ییریک اعضالری ینگی رهبردن اجره‌لیشنی ایسته‌یدی؛ چونکه ملا اختر محمد منصورنینگ پاکستان استخبارات تشکیلاتی (آی، اس، آی) بیلن یقین علاقه‌ده بولگنی توغری‌سیده شبهه‌لر موجود.
گزارشلرگه کوره، طالب‌لرنینگ اوشبو نماینده‌سی قطرده، مذکور گروه ییریک اعضالری سیدطیب آغا و ملاحسن بیلن صحبت اوتکزیب و ینگی رهبردن حمایت ایتیش‌لرینی سوره‌گن.
مخالف‌لردن بیری‌نینگ ایتیشیچه، ملا اختر محمد منصور، قرشی‌لری‌گه مهم چوکی‌لر و کوپ پول تکلیف قیلگن، بیراق بو تکلیف‌لر قرشی‌لری تامانیدن رد ایتیلگن.
اوشبو منبع‌نینگ کوپه‌یتیریشیچه، اولر بو تکلیف‌لرنی رد ایتکنیدن کیین، ملا منصور تامانیدن تهدیدلی پیام‌لر قولگه کیریتکن. منبع‌گه کوره، اولر تهدیدلرگه قره‌مه‌ی ملا منصورنینگ رهبرلیگی‌گه قرشی‌لیک کورستکن.
ملاعمر اولیمی بیللی بولیب و ملا اختر محمد منصور اونی جاییده تعیین بولگنی‌دن کیین، اوشبو گروه‌نینگ ییریک رسمی‌لری اورته‌سیده قره‌مه قرشی‌لیک‌لر اوج آلدی.
