هلمند امنیتی رسمی‌لری ولایت سنگین تومنیده 48 کیشی اردو کوچلریدن هلاک ایتیلگن دیب خبر بیردی.
آتی توتیلیشینی ایستمه‌گن هلمند ده‌گی منبع‌لردن بیری نینگ سلام‌وطندارگه ایتیشیچه، بو عسکرلر جمعه کونی طالب‌لر تامانیدن امنیتی کوچلر پوسته سیگه اوتکزیلگن هجومده هلاک بولگن دیدی.
شونینگ‌دیک منبع نینگ ایتیشیچه، شو حاضرهم پولیس و اردو کوچلریدن 80 کیشی طالب‌لر قمراویگه قالگن.
سنگین تومنی یشاوچیلری هم بوخبرنی تأیید قیلیب ایتیشلریچه، بو عسکرلر «سری کرخی» منطقه سیده اولدیریلگن.
محل یشاوچیلری، طالب‌لر امنیتی کوچلر موترلری و قورال اسلحه لرینی اوزلری بیلن بیرگه آلیب کیتگن دیگن.
طالب‌لر گروهی رسانه‌لرگه پیام یول‌له‌شی بیلن بو هجوم مسؤولیتینی اوز بوینلریگه آلیب امنیتی کوچلردن اونلرچه سینی هلاک و بیرقنچه‌سینی هم قمراوگه آلگن‌لیکلرینی ایتگن.
حاضرگه قدر بوباره‌ده امنیتی مسؤوللر بیرنرسه دیمه‌گن.
