افغانستان جمهور رییسی‌نینگ بیرینچی اورین باسری عبدالرشید دوستم ترکمنستان بیلن قوشمه روش‌ده جنگری طالب‌لرگه قرشی ییریک عملیات اوتکزیلیشی‌نی ایتگن. جناب دوستم‌گه کوره، قورال‌لی طالب‌لر خم‌آب ولسوال‌لیگی‌دن ترکمنستان بیلن افغانستان چیگره‌سیده‌گی حدودگه قاچیب بارگن‌لر. اونگه کوره، بولر تیزلیک‌ده نابود ایتیله‌دیلر.
جناب دوستم‌نینگ سوزلریگه قره‌گن‌ده، ترکمنستان اوشبو مملکت چیگره‌سیده جایلشگن قورال‌لی طالب‌لر موقعیتی‌نی اثبات قیلگن و ایکی مملکت ایسه اوشبو جنگری‌لر نابود ایتیلیشی اوچون قوشمه عملیات اوتکزه‌دی.
افغانستان جمهور رییسی‌نینگ بیرینچی اورین باسری اوتگن هفته سه‌شنبه کونی فاریاب ولایتی‌نینگ غورماچ ولسوال‌لیگی نیچه ساعت جنگری‌لر تامانیدن تصرف ایتیلگن‌دن کیین ایکینچی بار مملکت شمالی‌گه سفر قیلدی. جنرال دوستم حاضر جوزجان ولایتی‌نینگ خم‌آب ولسواللیگیده استقامت قیله‌دی. جمهور رییس اورین باسری حربی عملیات‌نی اوشبو ولایت‌د‌ن باشلب خم‌آب تومنی قورال‌لی طالب‌لردن تازه‌لگندن کیین فاریاب ولایتی‌گه سفر قیلیشی کوتیله‌دی.
افغانستان بیلن ترکمنستان حکومتی ارا قورال‌لی طالب‌لرگه قرشی مبارزه قلیش مساله‌سی هر دایم افغانستان ملی کوچلری خلق ارا ترورچی‌لر بیلن اوروش‌ده بولگنی توغریسیده گزارش‌لر نشر ایتیلگن بیر چاغده بیلدیریلماقده.
بوندن آلدین جمهور رییس غنی افغانستان تحمیل ایتیلگن اوروش بیلن روپه ره بولگن دیب منطقه دولت‌لری نماینده‌لیگی‌ده ترورچی‌لر گه قرشی کوره‌شه‌دی دیگن ایدی. او، افغانستان امنیتی منطقه و دنیا اوچون ییریک اهمیتی بارلیگی خصوصیده تاکیدله‌گن ایدی.
باشقه تاماندن افغانستانده نابرقرالیک میزانی آشیشی همده مملکت‌ده داعش گروهی جانله‌نیشی روسیه همده مرکزی آسیا دولت‌لری‌نینگ خواطریگه سبب بولگن.
بوندن نیچه کون آلدین ترقه‌تیلگن بعضی گزارش‌لرده روسیه افغانستان حکومتی‌گه حربی قورال اسلحه همکارلیک قیلیشی ایتیلگن ایدی. لیکن بونده‌ی مساله مجلس نینگ ایکینچی معاونی نذیراحمدزی تامانیدن رد ایتیلدی. جناب احمدزی روسیه‌گه سفر قیلمس‌دن بیر کون آلدین افغانستان ملی کوچلریگه روسیه دولتی‌گه حربی عملیات اوتکزیشی اوچون رخصت بیریلمس دیگن ایدی.
