فاریاب ولایتی‌نینگ محلی بلند مرتبه‌لی رسمیلری طالب‌لر میمنه شهریگه قیلگن هجومده شکست ییگن لیگیدن خبر بیرگن‌لر. فاریاب ولایت سرپرستی عبدالستار بارزنینگ ایتیشیچه، مملکت ملی کوچلریگه همکارلیک قیلگن اهالی میمنه شهری قوراللی طالب‌لر تصرفیگه اوتیش آلدینی آلگن.
جناب بارزگه کوره، اوشبو گروه نینگ اعضالری حاضر ولایت‌نینگ اینگ اوزاق منطقه‌سیگه قاچگنلر. او، جنگریلرنی میمنه شهریگه قیلگن هجومیده 1500 طالب قتنشگن لیگی‌نی بیلدیرگن.
شونینگ‌دیک فاریاب ولایت سرپرستی هنوزگچه دولت قوراللی مخالف‌لری همده ملی کوچلر تلفاتی باره‌سیده انیق معلومات قولده ایمس دیگن، اما محلی قوماندان نظام الدین قیصاری‌نینگ سوزلریگه کوره، اوتگن کیچه یوز بیرگن اوروش‌ده 60 دن آرتیق جنگری اولدیریلگن. اونگه کوره، اوروش‌ده ایکی پولیس داخل بیش کیشی طالبان‌گه قرشی قیام قیلگن‌لردن تن جراحتی آلگن.
نماینده‌لر مجلسی‌ده فاریاب نینگ وکیلی ولایت اوچون ملی کوچلرنینگ تیزلیکده عکس‌العمل کورستگنی همده طالب‌لرگه قرشی اهالی نینگ قیام قیلگنی جنگری طالب‌لرنینگ شکست ییگن‌لیگی اوچون بیرینچی عامل بولگن دیگن. اولرگخ کوره، خوف‌سیزلیک رسمیلر جلمه‌دن ولایت امنیه قوماندانی، ملی خوف‌سیزلیک اداره‌سی باشلیغی و شاهین 209- قول اروسی قوماندانی اوشبو ولایتده بولمه‌گن لیگی‌گه قره‌می ملی کوچلر اهالی همکارلیگی بیلن طالبان هجومی آلدینی آلیش‌گه موفق بولگن‌لر.
فاریاب‌نینگ ولسی جرگه‌ده‌گی نماینده‌لری آصفه شاداب و حاجی محمد هاشم مذکور ولایتده ملی کوچلر جهازله‌نیشی‌نی سوره‌گنلر. اولرگه کوره، طالب‌لر مذکور اوروش‌ده آغیر تلفات کورگن.
اوتگن هفته دوشنبه کونی طالب‌لر قندوز شهریگه ییریک هجوم اویوشتیریب اوشبو ولایت‌نی اوچ کون اوز نظارتی‌گه آلگن ایدی؛ بیراق افغان ملی کوچلری ناتو همکارلیگی بیلن قندوز شهرینی جنگریلر اشغالی‌دن آزاد قیلیش‌گه موفق بولدی.
امنیتی مسوول‌لرگه کوره، قندوزنی سقوط قیلیشی جنگرلر روحیه‌سی کوچله‌نیب، بدخشان، بغلان، غزنی و فاریاب ولایت‌لریگه هجوملرینی آشیرگن.
