جوزجان – سرپل ولایت‌لری‌نینگ یولی‌ده قتنیدیگن یولاووچیلر همده محصل‌لر، قوراللی طالب‌لر همده داعش‌نینگ مذکور یولده فعالیتی آشگنینی ایتیب، محصلر و یولاووچیلرنی باردی کیلدی‌سی تورلی معمالر بیلن روپه ره دیگن‌لر.
جوزجان ولایتی بیلیم یورتی حقوق فاکولته‌سی‌نینگ محصلی سرپل ولایتی بلخاب ولسوال‌لیگی‌نینگ یشاووچی‌سی حیدر حکیمی‌نینگ ایتیشیچه، بوندن نیچه وقت آلدین قوراللی طالب‌لر بولرنی موتردن توشیریب جدی اهانت قیلگن.
مذکور محصل، طالب‌لر مزار- سرپل عمومی یولی‌نی یولاووچیلر یوزگه یاپگن دیب، حاضر فقط شبرغان و سرپل عمومی یولی ترافیک یوزگه آچیق دیگن. اونینگ سوزلریگه قره‌گنده طالب‌لر مذکور یولده یولاووچیلر همده محصللرنی توشیریب اولرنی طالب‌لر صفی‌گه قوشیلیش‌نی سوره‌یدی.
باشقه محصل‌لرگه کوره، نابرقرارلیک‌لر سبب بیلیم یورت‌لرگه باره آلمیدیلر، انه شو باعث کوپینچه یاش‌لر تحصیل‌نی ترک قیلیش‌گه مجبور بوله‌دی. اولر دولت رسمیلریدن، مذکور یول امنیتی‌نی تامین ایتیش‌نی سوردی‌لر. باشقه بیر محصل ذبیح‌الله نینگ عایله‌سی شبرغانده، او تورت ییل‌دن بیری اوز خانه‌دان اعضالرینی کوره آلمه‌گن‌لیگی‌نی حکایه قیلگن.
شبرغان – سرپل یولی باره‌سیده تشویش بیلدیریب سلام‌وطنداربیلن گپیریگن سرپل ولایت کینگش رییسی نوراحمدگه کوره، جوزجان – سرپل قوشیمچه صیاد و سوزمه قلعه ولسوال‌لیک‌لری جدی نابرقرار طالب‌لر ایسه هر کون اوشبو یولده یولاووچیلرنی توشیریب باج آله‌دی.
جناب نور، سونگی بیر آی‌دن بیری ولایت‌نینگ کوهستان ولسوال‌لیگی قوراللی طالب‌لر نظارتیگه اوتگن لیگینی بیلدیرگن. او مرکزی حکومت‌دن مذکور تومن جنگری طالب‌لردن تازه‌له‌نیشی اوچون ییریک حربی عملیات اوتکزیلیشی‌نی سوره‌گن. او، طالب‌لر هر دایم بو یول قتناووچی‌لرینی گروگان آله‌دی و سونگ مذکور شخص‌لر قوم یاش اولوغلر سعی وحرکت یا – ده هم پول تولیش بیلن آزاد ایتله دیلر دیگن.
عین حالده، سرپل پولیس قوماندان‌لیگی‌نینگ سوزلاووچی‌سی علی‌اکبری اندرابی‌گه کوره، یقین‌ده پولیس نینگ گزمه‌سی اوشبو یول امنیتی تامین ایتلیشی اوچون بو یولده وظیفه بجره‌دی.
اندرابی، حربی تیک اوچلرنی بولمه‌گن لیگی سبب ایریم پیت‌لرده قوراللی طالب‌لرنی ملی کوچلر برابریده مقاومت قیلیشی‌گه باعث بوله‌دی دیگن. شونینگ‌دیک او مذکور عمومی یولده جایلشگن قیشلاق‌لرده حربی تازه‌لش عملیات اوتکزیلیشی‌نی بیلدیرگن.
سرپل مملکت شمالی‌ده جایلشگن نابرقرار ولایت‌لر جمله‌سیدن، مذکور ولایت انده سنده جنگری طالب‌لر تامانیدن هجوم آستی‌گه آلینیب ایریم ولسوال‌لیک‌لری دولت قوراللی مخالف‌لر تامانیدن تصرف ایتیله‌دی.
