.jpg)
قورال‌لی طالب‌لر تامانیدن ینگی‌لیک‌ده ترقه‌تیلگن اعلامیه‌ده یازیلیشیچه، اوشبو گروه تشکیلاتی‌ده اسیرلرنی المشتیریش اوچون بیر کمیسیون ایجاد ایتیلگن. مذکور کمیسیون افغانستان دولتی بیلن اوروش جریانیده قورشاوگه آلینگن‌لر المشتیریلیشی اوستیگه بحث اوتکزه‌دی.
طالبلرنینگ اعلامیه‌سیده کیلیشیچه، «اوروش جریانیده قورشاوگه آلینگن‌لرنی قوییب یوباره‌دیگن کمیسیون» اوروش جریانیده اسیر آلینگن‌لرنی المشتیریش لایحه‌سینی تیارله‌یدی و اونگه اساس، ایریم شرایط‌لر و وضعیت‌لرده قورشاوده‌گی‌لرنی المشتیریش قانون اساسیده عمل‌گه آشیریله‌دی.
طالبلرنینگ ادعا قیلیشیچه، افغانستان دولتی طالبلرنینگ آلدیده بولگن اسیرلرنی قوییب یوباریلیشی خصوصیده هیچ قنده‌ی سعی و حرکت قیلمه‌گن و شونینگ‌دیک، هیچ بیر لایحه‌نی قولگه آلمه‌گن.
قورال‌لی طالب‌لر، فاریاب ولایتی‌ده بیر تیک اوچر سقوطی نتیجه‌سیده قول‌لری‌گه توشگن 15 حربی عسکرگه اشاره قیلگن و بو عسکرلر نیچه آیدن بویان قورال‌لی طالب‌لر قورشاویده بولگن. طالبلرنینگ ایتیشیچه، اوشبو عسکرلرنی المشتیریش اوچون نیچه مرته تیارگرلیک کورستگن، بیراق افغانستان دولتی اولرگه هیچ بیر جواب بیرمه‌گن.
بیراق، قورال‌لی طالبلرنینگ اعلامیه‌سیده، فاریاب ولایتی‌ده والی صفتیده اسلامی امارت تامانیدن سابق تعیین ایتیلگن قاری صلاح الدین‌نی مذکور 15 حربی عسکر بیلن المشتیریشی‌نی رد ایتیب و بو موضوع شایعه دیگن‌لر.
عین حالده، اجراییه ریاستی سوزلاوچیسی‌نینگ اورین باسری جاوید فیصل سلام‌وطندار بیلن اوتکزگن صحبتیده قورال‌لی طالبلرنینگ سوزلری و تکلیف‌لرینی رد ایتیب ایتیشیچه، هیچ بیر کیشی یا- ده گروه اوروش جریانیده قورشاوگه آلینگن‌لرنی المشتیریش خصوصیده ملی بیرلیک حکومتی بیلن صحبت قیلمه‌گن.
جناب فیصل‌نینگ کوپه‌یتیریشیچه، افغانستان دولتی قورشاوگه آلینگن‌لر المشتیریلیشی خصوصیده آچیق بیر کیلیشووگه ییتیشیش اوچون ایرکین شکلده سوزلش‌نی ایسته‌یدی و برچه توانی‌دن قورشاوگه بولگن امنیتی کوچلرنی قوییب یوباریشی خصوصیده فایده‌لنه‌دی.
