بغلان ولایت معارف اداره‌سی‌نینگ مسؤوللری، قورال‌لی طالبلر پل‌خمری شهریگه قره‌شلی «دندغوری» منطقه‌سیده مکتب‌لر بناسی حربی قرارگاه‌لر صفتی‌ده فایده‌له‌نیشی‌نی ایتگن‌لر.
بغلان معارف اداره‌سی رییسی عبدالقادرنینگ سوزلریگه کوره، سونگی ایکّی آی جریانی‌ده ملی کوچلر بیلن جنگری طالبلر اورته‌سیده اوروش شددت لشگنی سبب 30گه یقین مکتب‌نینگ ایشیگی اوقووچی‌لر یوزیگه یاپیلیب قالگن و چمه‌سی 10 مینگ اوقووچی تعلیم و تربیه‌دن بهره‌سیز قالماقده.
شونینگ‌دیک جناب رسولی، دندغوری منطقه‌سیده افغان ملی کوچلری بیلن عصیانچی طالبلر اورته‌سیده یوزبیرگن اوروش نتیجه‌سیده نیچه مکتب‌نینگ بناسی بوتونلی اوتگه یانیب کیتگن‌لیگینی تیلگه آلگن.
باشقه تاماندن اوروش‌لر سبب تعلیم و تربیه‌دن بیره‌سیز قالگن قطار اوقووچی‌لر حادثه‌نی تصدیق‌لب ایتیشلریچه، قورال‌لی طالبلر مکتبلردن حربی قرارگاه صفتی‌ده فایده‌لنه دیلر. اوقووچی‌لر کونلرینی قورقوو و تشویش بیلن اوتکزیش‌لرینی ایته دیلر.
مذکور اوقووچیلرنینگ خانه‌دانی دولت‌دن مکتب‌لرنینگ ایشیگی قیته‌دن آچیلیشی اوچون سعی وحرکت قیلیش‌نی سوره‌گن‌لر. اولرنینگ اظهار قیلیشلریچه، وضعیت شونچه‌لیک یامان که اوروش تامانلریدن هیچ بیری مذکور منطقه‌نی دایمی سقلیب قالیش‌گه قادر ایمس.
اهالی، مذکور قیشلاق هر کون قولمه قول بولیشی توغری‌سیده خواطر بیلدیرگن‌لر و بو وضعیت‌نی دوام تارتیشی خلق‌نینگ جدی قیین‌چلیک‌لرگه دوچار قیله‌دی.
شونینگ‌دیک دندغوری‌نینگ اهالی‌سی منطقه‌ده‌گی هر یوز بیره‌دیگن اوروش سبب باله‌لری روحی و روانی نقطه نظردن یامان وضعیت‌گه روپه ره بولگن لیگینی ایته دیلر.
ایتیلیشیچه، ایکّی آیدن بیری دندغوری منطقه‌سیده قورال‌لی طالبلر و افغان ملی کوچلری اورته‌سیده اوروش جریانی بار.
