.jpg)
تخار ولایت‌نینگ محلی بلند مرتبه‌لی رسمی‌لری، چمه‌سی اوچ آی قوراللی طالب تصرفی‌ده بولگن درقد ولسواللیگی‌نینگ حکومت‌گه قره‌شلی بیرچه حجت‌لری نابود ایتیلگن‌لیگینی ایتیتب، ایریم بنالر اوتگه یاندیریلیب ویران ایتیلگن دیگنلر.
طالبلر گروه حکومتی بنیادینی ویرانه‌گه ایلنگن بنالرده اوتکزگن‌لر. فقط امربه معروف کمیسیونی شهردارلیک اداره‌سیده مبل و میز بیلن جهازلنگن بناده فعالیت قیلگن.
تخار تجدید نظر باشقره‌لاوچیلیگی‌نینگ باشلیغی عبدالمعروف واثق نینگ ایتیشیچه، طالبلر جنایی جرملر، امنیتی و عامه خلق‌قه تیگیشلی برچه حجت‌لرنی نابود قیلگن‌لر. فقط باشقه منطقه‌لردن کیلگن حجت‌لر قیته تیکشیریلیشی ممکن.
جناب واثق، اوشبو حجت‌لر مذکور ولسوال‌لیک‌نینگ باشقره‌لاوچیلیگی آمو دریاگه قوله‌گن‌لیگی سبب قیته تاپیش ممکن ایمس دیگن. درقد تجدید نظر باشقره‌لاوچیسی عبدالرحمان بو ولسواللیک سقوط قیلیشی بیلن طالبلر قولی بیلن سووگه غرق ایتیلگن و محلی حکومت بو مسله‌نی سیر سقله‌گن دیگن.
.jpg)
تیزلیکد‌ه مرکزیدن هیات باریب مذکور ولسواللیکنی یقیندن کوزه‌تیشی ایتیله‌دی. تخار پولیس قوماندانلیگی سوزلاووچی‌سی خلیل اسیرنینگ ایتیشیچه، اوشبو ولسواللیکده حکومت توزیمی قیته‌دن تیکله‌نیشی‌گه احتیاج بار. جناب اسیرگه کوره، مذکور ولسواللیک قوراللی طالبلردن بوتونلی تازه‌لنگونگه قدر تیکشیریش جریانی کیچیکتیریله‌دی.
درقد اوتگن کون قوراللی طالبلر تصرفیدن آزاد ایتیلدی. ولایت والیسی اوشبو ولسواللیکده قیته قوریش لایحه‌لر باشله‌نیشی باره‌سیده خبر بیرگن. تخار ولایت درقد تومنی‌نی قوراللی طالبلردن تازه‌لش عملیات بوندن بیر آی آلدین باشلنگن ایدی. اما عمومی یول‌لرده موجود بولگن معمالر سبب مذکور عملیات تورلی قیین چیلیک بیلن روپه ره بولگن ایدی.
درقد آمودریانینگ شمالی‌ده جایلشگن تاجیکستان بیلن قوشمه چیگره‌گه ایگه. ایتیلیشیچه، افغان ملی کوچلری قوراللی طالب‌لری خواجه غار و قندوز نینگ دشت ارچی تومنی‌ده هجوم آستی‌گه آلگن‌ده، جنگریلر تخارنینگ درقد ولسواللیگی قاچیب اوتیش‌گه حرکت قیلگن ایدی. نتیجه ده درقدر قوراللی طالبلر تصرفیگه اوتگن.
