بغلان ولایتی کینگش اعضاسی و مدنی جامعه مسؤوللری نینگ ایتیشلریچه، اوتگن کون طالب‌لر دندغوری تومنی نینگ منگلها منطقه‌سیده پاکستانلیک جنگریلر یاردمیده حربی مشق قیلگنلر.
ولایتی کینگش اعضاسی شمس‌الحق بارکزی نینگ سلام‌وطندارگه ایتیشیچه، بومنطقه‌ده طالب جنگری‌لری پاکستانلیک افسرلر تامانیدن حربی فنلر اورگنه دیلر، اما بولرگه قرشی محلی حکومت هیچ قنده‌ی بیر فعالیت کورستمسدن جیم قالگن.
بغلان مدنی نهادلر مسؤولی سیدعارف عابدنینگ ایتیشیچه، اوشبو حربی مشق ساعتلر دوام ایتگن و 200 یقین جنگری طالب مذکور مشق گه اشتراک ایتگنلر. جناب عابدگه کوره، مذکور مشق‌گه پاکستانلیک جنگریلر اشتراک ایتگن، لیکن یوزلرینی نقاب بیلن یاشیرگن ایکنلر.
بغلان پولیس سوزلاوچیسی ذبیح‌الله شجاع بولیب اوتگن حربی مشق‌لر باره‌سیده ایتیشیچه، مشق قیلینگن منطقه طالب‌لر تصرفیده بولگن. جناب شجاع کیلگوسی نیچه کونگه قدر طالب‌لر فعالیت قیله‌دیگن منطقه‌لرگه یوکسک عملیات اوتکزیلیب منطقه پاک بولیشینی اورغولیدی.
بغلان شمال ولایتلری ارا قندوزدن کیین ایکینچی ناتینچ ولایت سنله‌دی که شو سونگیده طالب‌لر مذکور ولایتده اوز فعالیت‌لریگه آرتیرگن. نیچه آیدن بویان ولایت دهنه غوری تومنی طالب‌لر گروهی تصرفیده و امنیتی رسمیلرنینگ ایتیشلریچه، مذکور تومننی طالب‌لردن آلیش اوچون یوکسک عملیات اوتکزیشلری ایتیلگن.
