کورینیشیچه، کابل و طالبلر اورته‌سیده اوتکزیلگن سونگی مذاکره، مذکور گروه ایچیده قدرت اوروشی‌نی شدت لنتیرگن. طالبلر گروهی‌نینگ یخشی تانیگن پاکستان‌لیک خبرچی رحیم‌الله یوسف زی‌نینگ بیر مقاله‌ده یازیشیچه، ملا اختر محمد منصور، حاضر کویته کینگشی‌نینگ رهبرلیک قیله‌دی و اوشبو کینگش ایچیده جدی قره‌مه قرشی‌لیک‌لرگه روپه‌ره بولگن. بو قره‌مه قرشی‌لیک‌لر جوده‌هم جدی بولگن.
اوشبو پاکستان‌لیک خبرچی‌گه کوره، ملا اختر محمد منصورگه قرشی کیشی‌لر، ملا محمدعمرنینگ ییریک اوغلی مولوی محمد یعقوب آرقه‌لی باشقریله‌دی. بوندن آلدین، بیرقطار ایچکی میدیا و پاکستان‌لیک میدیانی گزارش بیریشیچه، ملا محمدعمر اوغلی مولوی محمدیعقوب ینگی لیکده کراچی شهری بینوری مدرسه‌سیدن فراغت حجتی‌نی قولگه کیریتیب و مولوی صفتیده دستار باغله‌گن. حاضرگه قدر مولوی محمد یعقوب نینگ آته‌سی ملاعمر تقدیریدن خبری یوق؟
ملا منصور اسلام‌آباد باسیمی باعث، کابل بیلن مذاکره قیلیش‌گه تیارگرلیک کورستدی. بیراق طالبلرنینگ بیرقطار قوماندانی جمله‌دن ذاکر قیوم و ملا عبدالمنان هوتک، ملامنصورنینگ بو قراری‌گه قرشی‌لیک بیلدیرگن. ذاکر قیوم و ملا هوتک کورینیشیچه، مولوی محمد یعقوب‌دن اطاعت قیله‌دی‌لر.
قورال‌لی طالبلر ایچیده‌گی قره‌مه قرشی‌لیک‌لر، مذکور گروه‌نینگ بیرقسمی تامانیدن ملا محمد عمرنینگ ایکی ییل آلدین اولگنی توغری‌سیده خبر بیریلگنی‌دن کیین جدی بولدی. طالبلر گروهی انشعابی بولیمی‌دیب تانیشتیرگن محاذ فدایی‌نینگ بیر هفته آلدین معلوم قیلیشیچه، قولیده‌گی بار حجت ملا عمرنینگ اولگنینی اثبات له‌یدی.
بو ادعا، کویته کینگشی قره‌مه قرشی‌لیک لری‌نی شدت لنتیردی. ملا منصور تشکیلاتی ایچیده‌گی قره‌مه قرشی‌لیک‌لر محاذ فدایی تامانیدن ملا عمرنینگ اولیمی معلوم بولگنی‌دن کیین بو نتیجه‌گه ایریشدی‌کیم، منصورنینگ رهبری بیلن علاقه‌سی یوق ایکن.
اسلام آباد‌ده چاپ بولگن نیوز کونده‌لیگی‌ده یازیلیشیچه، ملا منصور تشکیلاتی ایچیده‌گی قرشی‌لر، هییت مناسبتی بیلن ملا عمر آتی‌دن نشر ایتیلگن بیانات‌گه شبهه بیلن قره‌یدی. حاضر کورینیشیچه، طالبلر سوزلاوچی‌سی ذبیح الله مجاهد، ملا اختر محمد منصور تامانیدن بویروغ آله‌دی و طالبلرنینگ انترنت ترماغی ملا منصور نظری آستیده فعالیت قیله‌دی.
ملا منصور حاضرگه قدر ملا عمرنینگ تیریک لیگی توغری‌سیده، تشکیلاتی‌ده بولگن قرشی‌لرنی قانیقتیره آلمه‌گن. هییت کونلری، طالبلر رهبری‌نینگ ویدیوسی نشر ایتیلیشی‌گه یخشی وقت ایدی، بیراق بونده‌ی بولمه‌دی و طالبلرنینگ انترنت ترماغی، رهبرلری‌نینگ سیسلی پیام‌نی هم ترقته آلمه‌گن. بو موضوع ملا محمد عمر تقدیری توغری‌سیده شبهه‌لرنی کوپیتیردی. حاضر کابل و طالبلر اورته‌سیده اوتکزیله‌دیگن سوزلشوولر، کویته کینگشی ایچیده بولگن قره‌مه قرشی‌لیک‌لر باعث، قربان بولیشی‌گه خواطرلر موجود.
ملا منصور تشکیلاتی ایچیده‌گی‌لر، افغانستان حکومتی بیلن اوتکزیله‌دیگن مذاکره‌گه قرشی دیر. اولرنینگ فکری‌گه کوره، اوروش دوام ایتکن صورتده، طالبلرنینگ منفعتی‌نی تأمین له‌یدی. ملاعمر‌نینگ ویدیو پیامی تیزلیکده نشر ایتیلمسه، اولیمی توغری‌سیده بولگن شبهه کوچلنه‌دی. بو موضوع ملا اختر محمد منصورنینگ قیین چیلیک‌که دوچ قیله‌دی.
کویته کینگشی ایچیده‌گی قره‌مه قرشی‌لیک‌لر شدت‌لنگن صورتده، کابل و ملا منصور مذاکره‌سی دوام ایتیشی‌نی قیین چیلیک‌که روپه‌ره قیله‌دی. ملا منصور جاری اوروش‌نی یکونلنتیره آلمه‌گن صورتده، او بیلن سوزلش لازم ایمس دیر. طالبلر ایچیده‌گی قره‌مه قرشی‌لیک دوام ایتکن صورتده، کابل و ملا منصور اورته‌سیده اوتکزیله‌دیگن مذاکره اوروش‌نی یکونلنتیرمه‌یدی. بونده‌ی بولگن صورتده، افغانستان ملا منصور بیلن بوله‌دیگن مذاکره‌دن واز کیچه‌دی. طالبلرنینگ اورته‌سیده بولگن قره‌مه قرشی‌لیک‌لر دوام ایتیب تورگن حالده، حکومت ملا منصور بیلن مذاکره قیلسه، جدی تنقیدگه دوچ کیله‌دی.
کورینیشیچه، حقانی ترماغی بیلن ملا منصور علاقه سی اورتاق‌لیک دیر. بیراق، سونگی کونلرده بو ترماق‌نی هم ملا عمر اوغلی مولوی یعقوب‌گه قوشیلیشی ممکن. ملی بیرلیک حکومت رسمی‌لری حاضرگه قدر، طالبلر اورته‌سیده‌گی قره‌مه قرشی‌لیک‌لر توغری‌سیده هیچ نرسه دیمه‌گن. بیراق یقین و اوزاق مدت‌ده بو موضوع آچیق لنه‌دی و اختر محمد منصور بیلن اوتکزیلگن مذاکره منفعتی توغری‌سیده بولگن سوراققه جواب بیریله‌دی.
بو آره‌ده، پاکستان‌نینگ احتمالی اویینی‌نی هم کوزدن اوزاق قیلمس‌لیک لازم. پاکستان تامانیدن ملا عمر قمراوگه آلینگن بولسه‌هم شبهه یوق دیر. شونینگ‌دیک، پاکستان اوروش و مذاکره اویینی‌نی بیردیک اوینه‌شیگه هم شبهه یوق.
طالبلرنینگ بیر قسمی‌نی مذاکره میزی اوستی‌گه چقیره‌دی و بیر قسمی‌نی اوروش میدانی‌ده حاضرله‌یدی. ملی بیرلیک حکومتی تامانیدن بو موضوع جدی توتیلیشی کیره‌ک. افغانستان هیأتی تامانیدن ایکینچی دور تینچ لیک سوزلشوولری‌ده ملا منصور تامانی تأثیری تیکشیریلیشی لازم. بو موضوع کابل تامانیدن جدی شکلده تیکشیریلمه‌گن صورتده، اختر محمد منصور بیلن اوتکزیله‌دیگن مذاکره افغانستان منفعتی‌گه بولمه‌یدی.
