غزنی مرکزی ده‌گی مکتب‌لردن کوپی‌سی طالب‌لر آگاه‌لنتیریشی اساسیده (16- جوزا شنبه) کونیدن باشله‌ب اوقووچی‌لریوزیگه یاپیلدی.
غزنی مکتب‌لری‌نینگ مسؤول‌لری‌نینگ سلام‌وطندارگه ایتیشیچه، شنبه کون ایرته‌لب اوزینی طالب‌لر باشلیغ‌لریدن ایکن‌لیگی‌نی بیلدیرگن شخص، غزنی مکتب‌لری‌نینگ باشلیغ‌لری بیلن تیلفون آرقه‌لی سوزلشگن و مکتب‌لر تعطیل ایتیلیش بویروغینی بیرگن.
بو اوزینی طالب‌لر باشلیغی تانیتگن شخص‌گه کوره، غزنی «نوغی» قیشلاقی‌ده‌گی یشاوچی‌لری‌نینگ هلاک ایتیلیش مناسبتی بیلن اوچ کون عمومی عزا توتیش اوچون ولایت مکت لری نینگ ایشیگی یاپیلیشی‌نی سوره‌گن.
قوم یاش اولوغ‌لریگه کوره، غزنی نوغی قیشلاقی‌ده بیرتوی مراسمی‌ده موشک توشیش عاقبتی‌ده 8 کیشی هلاک و باشقه 30 کیشی هم یره‌لنگن ایدی. اولرگه کوره، بو موشک امنیتی کوچلر تامانیدن آتیلگن ایکن.
امنیتی مسؤول‌لر بومطلب‌نی رد قیلیب، مذکور حادثه یول اوستی‌گه اورنه تیلگن ماین بیلن موتر دوج کیلیش عاقبیده بولگن و روی بیرگن حادثه‌ده 5 کیشی هلاک و باشقه5 کیشی هم یره کوترگنلرینی بیلدیره‌دیلر.
غزنی خاتین قیزلر مکتبی‌نینگ اوقیتوچی‌لر باشلیغی حسینه غلامی‌نینگ سلام‌وطندارگه ایتیشیچه، آگاه‌لنتیریش کیلگن‌دن کیین غزنی معارف ریاستی باشلیغ‌لری بیلن شریک قیلگن.
خانم غلامی‌نینگ ایتیشیچه، مذکورهشدار اوقیتوچی و اوقووچیلرنی قورقیتگن و کیله‌جکده مکتب‌لر ایشیگی عمومی شکلیده یاپیلیب قالیشی ممکن. خانم غلامی‌نینگ کوپه‌یتیریشیچه، طالب‌لرنی مکتب‌لرگه هجوم ایلتیشلریدن خواطرلر موجود.
ینه بیرتاماندن غزنی معارف باشلیغی محمد عابد عابدنینگ سلام‌وطندار بیلن اوتکزگن صحبتی‌ده ایتشیچه، نامعلوم آدرس‌دن مکتب‌لر مدیرلریگه ایکی کونگچه مکتب‌لر ایشیگی قمه‌لیب قالیشی‌نی ایسته لگن ایکن.
جناب عابدنینگ ایتیشیچه، غزنی معارف ریاستی قوم یاش اولوغ‌لری بیلن مذکور معمانی شریک قیلگن و طالب‌لر بیلن سوزله شیشلر باشله‌نیب مکتب‌لر ایشیگی یاپیلیش قیینچی‌لیک حل ایتیلیش علاجی سوره له‌دی.
جناب عابدگه کوره، «مغلان» و «جهان‌مکله» مکتب‌لری بیر ساعت‌گه قدر یاپیلگن ایکن. اما اوقووچی‌لر عایله اعضاسی مکتب‌لردن کوپی‌سی تعطیل و یاهم تعطیل عرفه سیده‌لیگی‌نی بیلدیرگنلر.
حاضرگه قدر بوتوغری‌ده طالب‌لر بیرنرسه دیمه‌گن.
