زابل ولایتی فواید عامه ریاستی باشلیغی انجنیر محمد حلیم الکوزی‌نینگ ایتیشیچه، مذکور ولایت گه تیگیشلی کابل- قندهار قتناو یولی‌ده طالب‌لر، بیر یریم ییل‌ده، 11 کوپریک و 52 کوپریکچه‌نی بوزگن.
جناب الکوزی‌گه کوره، اوشبو یول‌ده بوزیلگن کوپریک‌لردن 3 ته‌سی حکومت تامانیدن قیته قوریلگن و باشقه 9 کوپریک حاضرگچه بوزیق قالیب و یولاوچی‌لرنی کوپینچه قیین‌چیلیک‌که روپه‌ره قیلگن.
انچه مدت‌لردن بویان طالب‌لر، کابل- قندهار قتناو یولی‌ده فعالیت قیله‌دی و ایریم پیت‌لرده امنیتی کوچلرنی حمایه‌لش کاروانی‌نینگ نشانگه آله‌دیلر و بو یول‌ده کوپریک و کوپریکچه‌لرنی بوزیب، امنیتی کوچلر کاروانی برابریده هجوم اویوشتیریش‌گه زمینه یره‌ته‌دیلر.
عین حالده، کابل- قندهار قتناو یولی یولاچی تاشیووچی موترلر هیداوچی‌لری‌نینگ ایتیشیچه، اوشبو یول کوپریک‌لری بوزیق‌لیگی اولرنی کوپینچه قیین‌چیلیک‌که روپه‌ره قیلگن، ایریم پیت‌لرده ترافیکی حادثه قیله‌دیلر و ایریم پیت‌لرده اوغیری‌لر تامانیدن تالان قیلینه‌دیلر.
شونینگ‌دیک، هیداوچی‌لرنینگ ایتیشیچه، کوپریک‌لر بوزیلگنی باعث، سوو تاشقینی‌ده جاده هم توسیله‌دی.
زابل امنیه قومندانی میرویس نورزی‌نینگ ایتیشیچه، اوشبو کوپریک‌لر، طالب‌لر تامانیدن بوزیلیشی، بو یول‌ده ترافیکی حادثه‌لرنی کوپه‌یتیریشی‌گه قوشیمچه، ناتینچلیک‌لرنی هم کوپه‌یتیرگن.
عین حالده، ایکی کون آلدین، طالب‌لرنینگ معلوم قیلیشیچه، اولر، اهالی‌گه تیگیشلی لایحه‌لرنی نشانگه آلمه‌یدی. بیراق، طالب‌لر تامانیدن کابل- قندهار قتناو یولی‌ده بوزیلگن کوپریک‌لردن، کوپراق عادی اهالی فایده‌لنه‌دی.
